1 Krunika 5:2 - Fanawbuid tagsibaliwas Fakayabian

² Uda dewa amabalyanan yap tua at ngay faduksay ay dewa siginan at kasugfunanan tagfangguna at ngay gaban, at fagmakakaun nafon way sas Use.

1 Krunika 5:2 ပူးပေါင်းရင်းမြစ်များ

Fakasigadan 25:31

Akub nabalus te, “Gfon kro sa emu tuy fag fakonun nu gfon tua ro wo sa angku am fagmakakaun.”

Fakasigadan 35:23

Akub at ngay sisian sis Lia: taguna kasalug Rubin, ay at fadogan Simyun, Lebi, Uda, Isakar ay Sebulun.

Fakasigadan 48:5

Ay Israel gfataglayun nu garingang te, “Am sisian fagdua Efraim ay Manase, ansalug stes talun Igiptu gina au bagu kadasug stae, ay kafag duksay katap te, ku ngay baguama yangay, takatas Rubin ay Simyun.

Fakasigadan 49:26

Use, ngayu ban ku fon sa emu, gtungud tua ban ebi taguna fag ngay fananumun at rawvg tagsis sangay buksul. Si tua ban nangus emu tuy fag famadante, aroro gtungud tuo am ngay faduksay.

2 Samwel 8:15

Dabid nafunan fagdaul talun Israel ay nafakamulun at matuyan ay at maylat sas fagayu taw.

1 Krunika 28:4

Ay dewa katanya, Yawi, Israel at Dius nafili angku siginan ku mama at talanan, laman ban gfunan ktua gugat talun Israel. Kanya nafili Uda at kasugfunanan laman tagfangguna fagayu kasugfunanan. Ay siginan yangay kafag kasugfunanan nafili ku talanan ay siginan ku talanan kanya nafili angku laman talun Israel at fun.

Alubad. 108:8

Gilyad ay Manase ku fagagbilugun, ay Efraim ku famalabag ay Uda ku tagfangguna.

Alubad. 60:7

Gilyad ay Manase ku fagagbilugun, ay Efraim ku famalabag ay Uda ku tagfangguna.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Tap 2:3

Ay Uda, Isakar, ay Sebulun at ngay kasugfunanan namanwan sas fakamenitan baliwa, sit mesa kasugfunanan at famatoglag fag ramit. Kayu tuy ngay tagfangguna at ngay ngayan ay at ngay tagfawayan at kayuan: Uda Naksun, Aminadab at baguama 74,600 Isakar Netanel, Suar at baguama 54,400 Sebulun Elyab, Kelun at baguama 57,400

Tap 7:12

Kayu tuy ngay taw at nabuba ngay fanggalangun at ngay ngayan: Taguna fag menit, Naksun, Aminadab at baguama, tagfangguna Uda at kasugfunanan. Sis faduak menit, Netanel, Suar at baguama, tagfangguna Isakar at kasugfunanan. Sis fatuluk menit, Elyab, Kelun at baguama, tagfangguna Sebulun at kasugfunanan. Sis faufatk menit, Elisur, Sedeur at baguama, tagfangguna Rubin at kasugfunanan. Sis falimak menit, Selumiel, Surisaday at baguama, tagfangguna Simyun at kasugfunanan. Sis faunumk menit, Elyasaf, Dewel at baguama, tagfangguna Gad at kasugfunanan. Sis fafituk menit, Elisama, Amyud at baguama, tagfangguna Efraim at kasugfunanan. Sis fawaluk menit, Gamaliel, Pedasur at baguama, tagfangguna Manase at kasugfunanan. Sis fasiamk menit, Abidan, Gidyuni at baguama, tagfangguna Benamin at kasugfunanan. Sis fasafuluk menit, Akyeser, Amisaday at baguama, tagfangguna Dan at kasugfunanan. Sis falabi sadik menit, Pagyel, Ukran at baguama, tagfangguna Aser at kasugfunanan. Sis falabi duak menit, Akira, Enan at baguama, tagfangguna Naftali at kasugfunanan. Galay sik tagfangguna gbuba at fanggalangun: sik palantung mawatan siginans sanbung salapi at kabyatan sik fabudbungguan ay gwabilug, ay sik taya fagsuadan famaramsig fag taguk, at fangawat salapi, at kabyatan waluk sandank fabudbungguan kata tagfon fanggalangun at nagbilug fag famabudbungguan. Ay galay sik taya, mapnu at masine fag ngay fangawat tinapay at mafasuglatan langis laman famauseganan fanggalangun sas Yawi. Galay sik tagfangguna gbuba yangay sik palantung mawatan siginans gintu, at kabyatan sadik sandan duak safuluk fabudbungguan, mapnu famaebebanglu; sik riangan tama baka, sik tama daul tupa, ay sik riangan tupa tama tagsik banwa, limak tama daul tupa, limak tama kambing tagsik banwa laman fanggalangun famalyam asalanan.

Mateu 2:6

‘O wan Betleem sis talun Udea, o tua at tiba tungud fag furuan sis fagdaul talun Udea, aroro siginan emu umsure ban sik Fun, at namagtainan ban ku ngay taw Israel.’ ”

Ruma 8:29

Dius nasaful wan at nafili fag ngay taw siginans fakasigadan, ay kanya yangay at nafalganan laman at namaning at Baguama, laman at Baguama wan ngayuk duksayan at kaka.

Deuterunumyu 21:17

Masine kanya fag mangama nu gtuyan fia te, kanya tua taguna at baguama, dewa yud at fakesugun fag mangena at baguama. Foni sanya fag baguama at afud fag ramraman duak kayu sa tiba at sisian at afud ramraman, aroro kanya tua taguna at baguama. Nu katanya, kanya e fagmabalyananun gbul at afud fag ramraman laman sa sik kaka.

Deuterunumyu 33:17

Ay at fagmabitsugun kata sik tumad baka tama. Ay at fagmabalyananun kata at mela fag baka at sunge. Ay siginan ban at fagmabalyananun kanya ban gbabo ngay talun anggan sa tangayayu fag talun. Kata ban kanya ku fon sa sangay taw Efraim ay sa sangay taw Manase.”

Ebreu 7:14

Mayamag wa te, tam Fun siginans Uda at kasugfunanan. Ay Muisis we foyungan te, e tagfon fanggalangun ban sanya ginan fag kasugfunanan.

Uswe 14:6

Sik menit, sik ngay taw siginans Uda fag kasugfunanan nalo sas Uswe sis Gilgal. At sadi Kaleb, Efune at baguama, siginans Kenis fag gaban. Kanya nalong sas Uswe te, “O gamatang yay o Yawi at nalong sat fagsuguan Muisis sabaliwa anta gina tam sis Kades-Barnea?

At Nafasure 5:5

Sanya ginan at sadik fagtainan nalong sa angku te, “Lag o gwayway. Damai, Liun tagsiginan taw Uda at sugfun, Dabid at kasugfunanan, kanya wan at nababo ay at masine glusi kafag fituk fandafut ay at makatu gfalugde kafag fafil.”

Tagfangguna 1:2

Ay Yawi nabalus te, “Uda fag kasugfunanan, aroro nafatigwanan kwan sa anya fagayu kanya fag daga.”

1 Samwel 16:1

Ginanya, Yawi nalong sas Samwel te, “Seduge tua ban nu kabalu o at kinfasludan sas Saul? Kwa kaylat ya anya nu gfunan. Katsi ro, namapnu o langis sas sunge fag fagsuadan ay loi sas Ese sas furuan Betleem aroro nafili au at baguama at sadi laman sik fun.”

1 Samwel 16:10

Ay Ese nauro at baguama fag fitu ay nafakbang sas Samwel, ay Samwel nalong te, “Ye sanya Yawi at nafili.”

1 Samwel 16:12

Nu katanya, Ese nafauro Dabid ay nafakbang sas Samwel. Dabid sik maseganama fag baguama, ay masine at kamatan. Sanya ginan, Yawi nalong te, “Kanya wan ku nafili, ugwagi sat alfuyu langis.”