1 Krunika 5:1 - Fanawbuid tagsibaliwas Fakayabian

¹ Rubin, Israel at ngay baguama at kaka, kanya nafataladan at sadi at mama at mangena. Nu katanya, at fagmakakaun anfon sat faduksay Use at ngay baguama. Ay aroro katanya, bunwa Rubin at kinriruk laman kafag kasugfunanan at kaka.

1 Krunika 5:1 ပူးပေါင်းရင်းမြစ်များ

Fakasigadan 25:23

Ay Yawi nalong sa anya te, “Tagsi am ungdan fag duak sisian, kanya ban duak talun at taw, ay kanya ban fag duak gaban gawayan. Ay at sadi ban amabalyanan yap tua. Ay at kaka ban gafagsuguanan way sat arian.”

Fakasigadan 25:31

Akub nabalus te, “Gfon kro sa emu tuy fag fakonun nu gfon tua ro wo sa angku am fagmakakaun.”

Fakasigadan 29:32

Ay Lia nafafion ay nafasalug sik munama ay nafangayan te, Rubin, ay nalong te, “Yawi nalag ku fagidapun, ay katsi matuyan ku indugan kesug wan angku.”

Fakasigadan 35:22

Ay kaduge kanya fagayu gbanwan sanya, Rubin nafataladan Bila, at mama at mangena at sadi. Ay Akub nu nasaful, ankuri anya.

Fakasigadan 46:8

Kayu tuy ngay taw Israel at ngay ngayan at nasas talun Igiptu: Akub ay at ngay baguama: Akub at baguama taguna, Rubin.

Fakasigadan 48:5

Ay Israel gfataglayun nu garingang te, “Am sisian fagdua Efraim ay Manase, ansalug stes talun Igiptu gina au bagu kadasug stae, ay kafag duksay katap te, ku ngay baguama yangay, takatas Rubin ay Simyun.

1 Krunika 2:1

Israel at ngay baguama: Rubin, Simyun, Lebi, Uda, Isakar, Sebulun,

1 Krunika 26:10

Kusa tagsiginans Merari at gaban e ngay baguama yangay. Ay nafili Simri laman tagfangguna at talanan dewa yud sia at kaka.

Nu Galin 6:14

Kayu tuy Israel at ngay gaban at ngay mangaguyang: Israel at baguama tiba kaka Rubin, ay Rubin at ngay baguama: Anuk, Palu, Kesrun, ay Karmi. Kanya fagayu ay at ngay kalongan, Rubin at kasugfunanan.

Lebitiku 20:11

“Sik mangama nu natugtug way at mama at mangena, kanya nafauri at mama. Nu katanya, fabuli wan kafag mangama ay kafag mangena. Sia yay ro at ke mamalong dewa nbul.

Tap 1:5

Kayu tuy fag ngay talanan at ngay tagfangguna taggubuk ayu: Kasugfunanan Tagfangguna Rubin Elisur, Sedeur at baguama, Simyun Selumiel, Surisaday at baguama, Uda Naksun, Aminadab at baguama, Isakar Netanel, Suar at baguama, Sebulun Elyab, Kelun at baguama, Efraim, Use at baguama, Elisama, Amyud at baguama, Manase, Use at baguama, Gamaliel, Pedasur at baguama Benamin Abidan, Gidyuni at baguama Dan Akyeser, Amisaday at baguama Aser Pagyel, Ukran at baguama Gad Elyasaf, Dewel at baguama Naftali Akira, Enan at baguama.”

Tap 16:1

Kura, Isar at baguama tagsiginans Kuat at ngay kasugfunanan, Lebi at baguama, nafamabo Muisis. Ay at nanangalo anya, Datan ay Abiram, Elyab at ngay baguama, ay Un, Pelet at baguama tagsiginans Rubin at ngay kasugfunanan. Ay nanangalo yangay anya duak sandan limak safuluk mangama takadungug, ngay tagfangguna at nafili siginan ngay taw Israel.

Tap 26:5

Rubin, Akub at baguama tiba kaka, at ngay kasugfunanan Kanuk, Palu,

1 Kurintu 5:1

At matuyan, andasug sa angku sik barita te, si ayu e gfanugtug, ay nu gfanugtug, gtungud yay at yud gafanud. Aroro si ayu at sadi naago at mama at bubay.

Deuterunumyu 21:17

Masine kanya fag mangama nu gtuyan fia te, kanya tua taguna at baguama, dewa yud at fakesugun fag mangena at baguama. Foni sanya fag baguama at afud fag ramraman duak kayu sa tiba at sisian at afud ramraman, aroro kanya tua taguna at baguama. Nu katanya, kanya e fagmabalyananun gbul at afud fag ramraman laman sa sik kaka.

Deuterunumyu 27:20

“Umfaurianan ban nangus sik taw at natugtug at mama at bubay, aroro kanya nafae fakaplaun at mama.” Ay fagayu ban taw gbalus te, “Anud!”

Deuterunumyu 33:17

Ay at fagmabitsugun kata sik tumad baka tama. Ay at fagmabalyananun kata at mela fag baka at sunge. Ay siginan ban at fagmabalyananun kanya ban gbabo ngay talun anggan sa tangayayu fag talun. Kata ban kanya ku fon sa sangay taw Efraim ay sa sangay taw Manase.”

Kulusas 1:15

At Baguama, kanya wan yud kalag fag Dius at aninu, ay kanya wan tagfunan sas fagayu at awatan.

Uswe 14:6

Sik menit, sik ngay taw siginans Uda fag kasugfunanan nalo sas Uswe sis Gilgal. At sadi Kaleb, Efune at baguama, siginans Kenis fag gaban. Kanya nalong sas Uswe te, “O gamatang yay o Yawi at nalong sat fagsuguan Muisis sabaliwa anta gina tam sis Kades-Barnea?