1 Krunika 4:9 - Fanawbuid tagsibaliwas Fakayabian

⁹ Ay e sik taw at ngayan Abes. Kanya sik fagsuyuun gtungud yap tua at ngay faduksay. At mina nafangayan anya te, Abes, aroro kanya nalong te, “Naidapan au maksvn gina au gfasalug anya.”

1 Krunika 4:9 ပူးပေါင်းရင်းမြစ်များ

Fakasigadan 3:16

Ay kanya nalong yangay sas mangena te, “Aroro nafakamulun o takatanya, gfamut kyay ban am fagidapun. Kaduge ban o gfafion gidapan o, kaugat wan gina o gfasalug. Dewa katanya, kaylat tua ban o gugat am mangama aroro sia wan tagfunan emu.”

Fakasigadan 34:19

Ay aroro Sekem maksvn nu kesug Dina, wa nfangulan ya at buknga laman namaning Akub at ngay baguama at fakaylatun. Ay Sekem wan at fagfaningun fia fag taw sit mama at talananan.

Fakasigadan 35:18

Ay kafag ngenge ansalug wan, dewa katanya, Rakel mamomuy wan. Ay gina gakabulun wan, Rakel nafangayan kafag ngenge te, Ben-Uni. Dewa katanya, Akub nafangayan way kafag ngenge te, Benamin.

1 Krunika 4:10

Ay Abes nadarangin sas Israel at Dius te, “Famanyuni angku ay fabiai ku talun. Ufudi angku, ay fayayui angku siginans fagmauriun laman kdi gidapan.” Ay Dius nadungug at darangin.

1 Krunika 4:8

ay Kus. Kus, Anub ay Asubeba at mama, ay at kasugfunanan yangay Akarkel fag talanan Arum at baguama.

1 Krunika 7:23

Ay abandi Efraim nafataladan at bubay, at bubay nafafion ay nafasalug sik munama. Ay Efraim nafangayan kafag sisian te, Berya aroro mauri at kindasug sat talanan.

Isayas 43:4

Ay namon au tibak talun at ngay taw laman fangungbus emu, laman famaungbus am leleg, aroro o wan at mafanud ay at masine sa angku, ay kesug au emu.

Fakamulun 17:11

Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan.

1 Samwel 4:21

Kanya nu gakabulun wan, nafangayan at sisian te, Ikabud, aroro kanya nalong te, “Dius at fagmasineun wa gufud ya ngay taw Israel.” Kanya nalong takatanya aroro Fagsuadan Nasadian nagoan wan, ay at mangama ay at nugangama anbul wan.