1 Krunika 4:10 - Fanawbuid tagsibaliwas Fakayabian

¹⁰ Ay Abes nadarangin sas Israel at Dius te, “Famanyuni angku ay fabiai ku talun. Ufudi angku, ay fayayui angku siginans fagmauriun laman kdi gidapan.” Ay Dius nadungug at darangin.

1 Krunika 4:10 ပူးပေါင်းရင်းမြစ်များ

Fakasigadan 12:2

Ay namayu kban am kasugfunanan, ay gfadante au emu, ay namasik takadungug au am ngayan. Ay siginan emu gfadante kban ngayuk taw.

Fakasigadan 12:8

Siginan ginanya, Abram ay at ngay ufud nalin sas talun buid sas Betel, ay sanya nu kawat sik bale ramit sis Betel ay sis Ai at wabilug. (Betel tagsis fakayabian ay Ai tagsis fakamenitan.) Abram nawat yangay sik fagirugan fanggalangun ay sanya nu gseg Yawi.

Fakasigadan 28:20

Akub nafatuyanan wa vtv ay nalong te, “Yawi, nu galo tuo angku ay gfon angku ku fakonun ay ku lanbung,

Fakasigadan 28:21

ay nu nfoli ktua ban sa ku mama at bale ay nu ddi ban e ndasug sa angku at mauri, o waban ku Dius.

Fakasigadan 32:26

Ay kafag mangama nalong te, “Falfasi angku, gakamenitun wan.” Ay Akub gbalus te, “Kwa ro gfalfas emu yakmay ro wo nafadante angku.”

Fakasigadan 32:27

Kafag mangama nainto te, “Sinu am ngayan?” Ay kanya nabalus te, “Akub.”

Fakasigadan 32:28

Ay kafag mangama nalong sa anya te, “Siginan ban katsi Israel wan am ngayan, bunwa ban Akub ya, aroro nafawayan o Dius ay anggan ngay taw, ay nababo o.”

Fakasigadan 33:20

Akub nawat sik fagirugan fanggalangun, ay nafangayan te, El-Eloe-Israel.

Fakasigadan 48:16

Ay tagbarita at nafalangfe angku sas fagayu fagidapun, ggubuk yangay ban nangus tuy fag duak sisian. Nangus e gamatang tua ban gugat ku ngayan ay anggan ku ngay mangaguyang Abrayam ay Isak at ngay ngayan siginan kafag duksay. Nangus kanya ban fagdua umkayu yay ste swa daga.”

1 Krunika 16:8

Fagayu am, fauseganani Yawi, ay darangini sa anya. Ay foyungi yangay sa tibak talun at ngay taw at ngay nafakamulun.

1 Krunika 4:11

Mekir at mama, Kelub, Sua at faduksay. Ay Mekir, Estun at mama,

1 Krunika 4:9

Ay e sik taw at ngayan Abes. Kanya sik fagsuyuun gtungud yap tua at ngay faduksay. At mina nafangayan anya te, Abes, aroro kanya nalong te, “Naidapan au maksvn gina au gfasalug anya.”

Ub 12:4

Dewa katanya, ku ngay fagadgalangan gfalingun kase angku, dewa au matuyan ay deyud au malong, ay Dius dewa nabalus ku ngay darangin.

Alubad. 119:173

Kabavn gubuki tua angku, aroro ku fagfaningun am ngay fagaloan tua.

Alubad. 121:7

Yawi gdiri emu sas nusnga setaw fag fagmauriun, ay kanya gdiri gugat am leleg.

Alubad. 145:19

Gfon tuo sa sangay taw tagsuyu emu at ngay fakaylatun, ay gdungug tuo nu guro get gubuk, ay gfalangfe tuo anya fagayu.

Alubad. 21:4

Ay kanya naet sa emu te, famuti at leleg, ay nafon o anya tangaduge fag leleg.

Alubad. 51:12

Ay fafolii sa angku fagusegananun, kata ebi gina o gfalangfe angku, ay foni angku sik amatanganan at mafamaning.

Alubad. 51:8

Nafaidapan o angku, kata nu glubuk. Ay katsi, fafolii sa angku fagusegananun.

Alubad. 55:16

Dewa katanya, get ktua gubuk sas Yawi ku Dius, ay kanya gfalangfe tua angku.

Alubad. 65:2

Fagayu taw nangakbang sa emu aroro nabalus tuo at ngay darangin.

Alubad. 72:17

Amatangi tua ban nangus gugat kafag fun at ngayan, kaduge ban e menit. Dius nangus gfae ramraman sas fagayu talun, aroro siginan kafag fun, ay tibak talun at ngay taw lumong te, Dius nafae ramraman kafag fun.

Alubad. 99:6

Kanya nafili Muisis ay Arun laman at tagfon fanggalangun, ay Samwel sik tagdarangin yangay. Ay kanya fag tulu mafandarangin; nu katanya, Yawi gbalus tua gugat.

Fangatulun 10:22

Yawi at famonun fagmaramramanun, ay di gfadasug nusnga setaw fag mabalu.

Fangatulun 30:8

Taguna, gubuki angku laman kdi kamuag. At fadua, lag o gfaramraman angku ay dangay ngap gfasik yud e kwa, abat ngate, foni angku ku ngay fagayudanun.

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 41:17

Ku ngay taw at yud e kwa grvbvy mamam, ay we nalag, ay at kaksvnan nu kadanum ankatat wan at ngay lislis; au Yawi, taggubuk anya. Au Israel at Dius kwa gfabayan anya.

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Mateu 26:75

Ay Pedru namatang ebi ataw Isus at longan anya te, “Gina ro tabag yud natarakit, tulu ginan ro wo kamuag te, wo toglag angku.” Ay Pedru naduksun ay maksvn nu gwayway.

Mateu 6:13

Ay dirii emi laman dimi gafaskudan sas asalanan, nu bunway falangfei emi siginan at mauri.’

Lukas 19:42

ay nalong te, “At masine nu nasaful di o katsi te, nataw tagfae fagmanabayanun emu. Ay duan, ansuksuk wan at masuad sa emu.

Uan 10:28

Gfon au anya leleg at yud e fakatabuan, ay kanya ban kabavn di gafaurianan, ay nusnga sinu we maago anya siginan ku daluap.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

Ruma 12:9

Matuyani tua nu kedkesugan am. Aurii at mauri, ay esugi at masine.

Ruma 16:19

Maksvn nu kadungug am sabaliwa nu gfaning am tam Fun Isus, nu katanya, maksvn nu guseganan au ayu. Dewa katanya, ku fakaylatun nu nasaful tuam fia sabaliwa at masine fagayu nusnge wain, ay nu ddi am nasaful sabaliwa at mauri.

1 Kurintu 1:2

Griruk ami sa ayu, Dius at ngay taw sis Kurintu, am at nafili siginan nu nsadi am sa tam Fun Isus. Ay Dius nauro ayu laman sik ngay yud tuam e malong, gasfuan fagayu nusnga nday at natoglag tam Fun Isus, fagayu tagafanud at Fun.

Efesu 1:3

Segi Dius, tam Fun Isus at Mama, aroro kanya nafon tua sa antam fagayu fanfalad fag ngay famonun siginan nu nsadi tam sa tam Fun Isus.

Efesu 3:20

Tam Dius mafafakamulun tagtungud yay fagayu tam fagetun ay tam amatanganan, siginan at fagmabalyananun tagfunan antam.

Efesu 4:30

Ay lag am gfae fakabaluun Dius at Masine fag Falad. Aroro kanya wan fakatoglagan te, masadi tuam si anya, ay tagdiri ayu anggan ban andasug Dius at falganan fag menit laman gfalangfe ayu.

2 Timuteu 4:18

Ay tam Fun namalangfe angku sas fagayu fagmauriun, ay kanya ban gfosuk angku sat fagfagtainanan sas banwa. Kabavn ban segi anya. Anud.

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.

1 Samwel 1:17

Eli nalong te, “Kin, ulii wan mabayan. Israel at Dius gfon ban nangus emu am fagetun.”

1 Samwel 1:20

Ay andasug sik buknga, Ana nafafion ay nafasalug sik munama. Ay kanya nafangayan at munama te, Samwel, aroro kanya nalong te, “Naet au ku sisian sas Yawi.”

1 Samwel 1:26

Ay Ana nalong sas Eli te, “Nu namatang di o, au wan ebi fag mangena at malindug ste tagdarangin sas Yawi.

1 Samwel 1:27

Ginanya naet au tuy fag sisian sas Yawi ay kanya nabalus tua angku.