1 Krunika 3:2 - Fanawbuid tagsibaliwas Fakayabian

² Ay at fatulu, Absalum, at baguama sit mangena Maaka, fun Talmay at baguina tagsiginans Gesur. Ay at faufat, Adunya, at baguama sit mangena Kagit.

1 Krunika 3:2 ပူးပေါင်းရင်းမြစ်များ

2 Samwel 13:1

Absalum, Dabid at baguama, e faduksay sik mangena at ngayan Tamar, ay kanya masine tua. Ay Amnun, Dabid at baguama at sadi, nalabian anya.

2 Samwel 14:23

Ay Uab nalao sas Gesur laman nantaban Absalum guli sas Erusalem.

2 Samwel 14:32

Ay Absalum nabalus te, “Aroro wo nastie gina au gfauro emu. Aroro kaylat au nu saos fun laman nanginto te, ‘Wain at fakaylatun yay nu guli au siginans talun Gesur? Ku fakaylatun kafamato kway sanya.’ Kaylat au gyalagun tam fun. Ay kanya ro nu nalong te, e asalanan au, mafalganan kway ro dewa gfabul wan angku.”

2 Samwel 15:8

Ebi gina au gbanwan sis Gesur sis talun Aram, nafatuyanan au sas Yawi te, ‘Nu nafafoli tua ban o angku sas Erusalem nanseg kban emu sas Kebrun.’ ”

2 Samwel 18:14

Uab nalong anya te, “Nafangulan kway ku buknga si emu!” Sanya ginan, Uab nabul tuluk bangko ay nananlag Absalum ay ginanya gleleg yay ay masayangan si sik daga sanga. Ay Uab naurus Absalum at dubdub.

2 Samwel 18:18

Gina Absalum gleleg yay, kanya nafalindug sik turuk daul sis Fun at Datag, laman tibak taw gamatang tua anya, aroro kanya we sisian mangama at namataglayun at ngayan nu kadungug. Kafag turuk nafangayan te, “Absalum at famamatang,” ay dasug katsi katanya yay gugat at ngayan.

2 Samwel 18:33

Dabid gtadtaruyan ay maksvn nu kabalu. Kanya nasat fagtiugan sis furuan at tungud sakbawan ay gwayway. Ay kaduge gwayway glong te, “Ku baguama Absalum, au yakman nangus at kinbul abat ngate o. Ku baguama Absalum, ku baguama!”

2 Samwel 3:3

Ay at fadua Kilyab, at baguama sit mangena Abigail, Nabal at fagbubayun, fag taw Karmel. Ay at fatulu Absalum, at baguama sit mangena Maaka, fun Talmay at baguina tagsiginans Gesur.

2 Samwel 3:4

Ay at faufat Adunya, at baguama sit mangena Kagit. Ay at falima Sefatya, at baguama sit mangena Abital.

1 Fun 1:5

Adunya, Dabid at baguama sit mangena Kagit, nafamatungudun nangasik fun. Nu katanya, kanya nafalganan sik ngay faguyudan fangawayan ay ngay kabayu ay limak safuluk taw tagulit anya.

1 Fun 1:6

Ebi taguna, Dabid gfabayan way lang anya ay wa kasalag at fakamulun. Adunya sik masine fag mangama, ay kanya Absalum at arian.

1 Fun 2:22

Fun Sulumun nabalus at mina te, “Wain ro am fagetun way te, fafamubayi Abisag sas Adunya? At kanya ro maet yangay te, foni sa anya ku fagmafunanun, aroro kanya ku kaka. Ay masadi sa anya tagfon fanggalangun Abyatar ay Uab, Seruya at baguama!”

1 Krunika 2:23

(Andasug at buknga Gesur ay Aram nagbilug Yair ay Kenat at ngay furuan, anggan yangay sit ligung fag unumk safuluk furuan.) Kanya fagayu Makir at gaban, Gilyad at mama.

1 Krunika 3:1

Kayu tuy Dabid at ngay baguama at kinsalug sis furuan Kebrun: taguna Amnun, at baguama sit mangena Akinuam tagsiginans Esreel. Ay at fadua Kilyab, at baguama sit mangena Abigail, Nabal at fagbubayun tagsiginans furuan Karmel.

1 Krunika 3:3

Ay at falima, Sefatya, at baguama sit mangena Abital. Ay at faunum, Itriam, at baguama sit mangena Egla.

Uswe 13:13

Dewa katanya, ngay taw Israel wa nafaiyan ngay taw Gesur ay ngay taw Maaka, nu katanya, kanya fagayu gfagamutan yay ngay taw Israel gbanwan dasug katsi.