1 Krunika 28:8 - Fanawbuid tagsibaliwas Fakayabian

⁸ “Nu katanya, sis Yawi at ngay taw Israel ay sa tam Dius at daga salubangan, gsugu au te, faningi ay Dius Yawi at ngay suguan laman ban gbanwan tuam gugat ste fag talun at masine, ay namagbilug ban am sa ay ngay kasugfunanan kabavn.

1 Krunika 28:8 ပူးပေါင်းရင်းမြစ်များ

Deuterunumyu 4:1

Sanya ginan, Muisis nalong sa sangay taw Israel te, Dungugani ngay suguan ay ngay fagaloan ku fagnamoyungun ayu. Faningi ban tuy fag foyungan laman ban gleleg tuam ay mabanwan sis Yawi at nafon ayu fag daga. Yawi tam ngay mangaguyang at Dius.

Isayas 34:16

Fagayu am damai Yawi at rirukan ay tapi. We yud umfasludan fagayu at marirukan sanya kata ku nalong. We kalyam nusdi sadik mangilafang tagsanya, ay tagsanya mesa tua e ufud. Aroro katanya wan Yawi at fakaylatun, ay kanya wan at nafaful anya fagayu.

Fangatulun 13:22

At matuyan fag taw gfagbilug ban at ramraman sat ngay fufu, dewa katanya, at mauri fag taw at ramraman, umfon sat matuyan fag ngay taw.

Esra 9:12

Ay am ngay taglong nalong yangay emi te, lag ami kadadwa sa kafag ngay taw, ay lag ami ggubuk laman kanya fagayu kae fagmakatuun, laman ban kabavn maksvn tuami gugat ay kae fagmakatuun, anggan em ngay kasugfunanan.’

Deuterunumyu 5:32

Nu katanya, ngay taw Israel, faningi Yawi at suguan sa ayu. Lag gsaruy nusdi sadi at ngay suguan.

Fakamulun 17:11

Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan.

Fakamulun 10:33

Nu katanya, nafauro au emu. Ay fadi fadi andasug tuo stae. Ay katsi maful ami ste sis Dius at daga salubangan laman gdungugan tam Fun at ngay longan siginan emu.”

Fangatulun 3:1

Ku sisian, lag o kalyam ku ngay foyungan emu. Fasii tua gugat am amatanganan ku ngay suguan.

Alubad. 119:44

Kabavn ban, namaning au am faugali. Ay namakamulun kban takatanya kaduge au gleleg.

Alubad. 119:4

Yawi, nafon tuo sa emi am ngay fagaloan, laman em fagnangugatanun namaning.

Deuterunumyu 29:10

Katsi fag menit, malindug am si ay Dius Yawi at daga salubangan, gasfuan ay ngay fagtainan sas fagayu kasugfunanan, ay anggan ngay tagfagtainan, ay fagayu mangama tagbanwan sis Israel,

Deuterunumyu 4:26

Katsi fag menit nauro au banwa ay daga, laman gfatuyan te, nu dway ban am gfaning angku, wa ban ngaduge nu gbanwan am sa ay fagnangagbilugun fag daga, sas dife Liskung Urdan. Ay wa ban ngaduge nu gbanwan am sanya. Ay sanya ginan ban fagayu am umbul am.

Deuterunumyu 4:6

Faningi fia tuy fag suguan, aroro siginan takatanya mafasure ban am sa sangay talun ay fagsafulun ay ay fagmatogdungugun ay ay fagmayamagun. Kanya ban fagayu nu nadungug takatanya fag fagaloan lumong ban te, “Anud, tuy fag talun at ngay taw at mabalyanan, e fagsafulun tua ay fagmatogdungugun.”

Alubad. 119:27

Fayamagi sa angku am ngay fagaloan, laman gamatangan ktua gugat am ngay fakamulun at maksvn nu madulo.

1 Krunika 28:7

Ay kanya ban nu gfataglayun tua gfaning ku ngay suguan ay ku faugali kata katsi at fakamulun, namasik fun kban at kasugfunanan kabavn ban.’

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

Nu Galin 23:13

“Faningi tua fagayu ku longan sa ayu. Ay lag am gdarangin sa tibak fagsegan nusdi taglong at ngay ngayan.

Deuterunumyu 5:33

Mabanwani kata ay Dius Yawi at suguan ayu laman ban ngaduge tua nu gbanwan am ay e fagekwaun sa ay fagnangagbilugun ban fag daga.

Deuterunumyu 27:1

Sanya ginan, Muisis ay Israel at ngay fagtainan nasugu sa sangay taw te, “Faningi fagayu suguan ku nafon sa ayu katsi fag menit.

Uswe 24:20

Nu nyayu way ban am siginans Yawi ay nu naseg wayam tibak fagsegan, kanya ban gfaurianan ayu. Kanya ban gfamin ayu, ebi kanya dewa matuyan sa ayu.”