1 Krunika 28:7 - Fanawbuid tagsibaliwas Fakayabian

⁷ Ay kanya ban nu gfataglayun tua gfaning ku ngay suguan ay ku faugali kata katsi at fakamulun, namasik fun kban at kasugfunanan kabavn ban.’

1 Krunika 28:7 ပူးပေါင်းရင်းမြစ်များ

1 Fun 11:4

Sulumun nu mafufuama wan, at ngay mangena nataban anya laman nanseg tibak fagsegan, ay kanya wa nakata at mama Dabid at matuyan tua sat Dius Yawi, sas fagdaul at amatanganan.

1 Fun 3:14

Ay nu gbanwan tua ban o kata ku balyawvtan, ay gfaning ku ngay suguan ay gfafasludan ku ngay longan kata am mama Dabid at nafakamulun, gfon kban emu tangaduge fag leleg.”

1 Fun 8:61

Matuyan tua ban am nangus gugat sas Yawi tam Dius. Ay faningi at ngay suguan ay at ngay faugali, kata ay fakamulun katsi.”

1 Krunika 22:13

Ay nu nafafasludan tua ban o at ngay suguan ay at ngay faugali at nafon sa sangay taw Israel siginans Muisis, manabayan tua ban o gugat. Nu katanya, maksvni tua ay mabitsugi ay lag o kalimu ay kamomuy.

1 Krunika 28:10

Nu katanya, amatangani tua fia. Yawi nafili emu laman namawat at Bale laman ban sanya nu e nanseg anya. Maksvni tua ay fakamuluni fia tuy fag fakamulun.”

1 Krunika 28:8

“Nu katanya, sis Yawi at ngay taw Israel ay sa tam Dius at daga salubangan, gsugu au te, faningi ay Dius Yawi at ngay suguan laman ban gbanwan tuam gugat ste fag talun at masine, ay namagbilug ban am sa ay ngay kasugfunanan kabavn.

Alubad. 132:12

Ay nalong yangay o te, “Am ngay kasugfunanan ban nu gfaning tua kata ku nasadian ay ku faugali sa anya fagayu, kanya ban fagayu umsik ngay fun kabavn.”

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.