1 Krunika 24:3 - Fanawbuid tagsibaliwas Fakayabian

³ Ay Saduk tagsiginan Elyasar at gaban, ay Akimelek tagsiginan Itamar at gaban, nagubuk fun Dabid laman gafud Arun at gaban laman namakamulun sat mesa fakamulun.

1 Krunika 24:3 ပူးပေါင်းရင်းမြစ်များ

2 Samwel 20:25

Ay Seba tagriruk. Ay Saduk ay Abyatar tagfon fanggalangun.

2 Samwel 8:17

Ay Saduk, Akitub at baguama, ay Akimelek, Abyatar at baguama, at ngay tagfon fanggalangun, ay Seraya at tagriruk.

1 Fun 2:35

Sulumun nafili Benaya, Euyada at baguama, laman fangungbus Uab, fun tagfawayan, ay nafili yangay Saduk, laman fantubus Abyatar fag tagfon fanggalangun.

1 Krunika 15:11

Sanya ginan, Dabid nafauro Saduk ay Abyatar fag duak tagfon fanggalangun, gasfuan Uryel, Asaya, Uel, Semaya, Elyel ay Aminadab fag ngay taw Lebi.

1 Krunika 16:39

Ay Dabid nafili Saduk fag tagfon fanggalangun ay at ngay ibama fag ngay tagfon fanggalangun, laman gulit Yawi at bale Fagnangablanganan si tangabat fag afud furuan Gibyun.

1 Krunika 18:16

Ay Saduk, Akitub at baguama ay Abimelek, Abyatar at baguama, at ngay tagfon fanggalangun, ay Sabsa at tagriruk.

1 Krunika 24:31

Kata Arun at ngay gaban at nafakamulun, kanya fagayu nafafidfilian yangay laman saful at ngay fanambagun, nusnga seyu at banwa. Kanya fagayu nafakamulun sis salubangan fun Dabid, ay Saduk, Akimelek ay tagfangguna ngay tagfon fanggalangun at talananan, ay taw Lebi.

1 Krunika 24:4

Ay kanya nafud yangay sas labi unumk afud Elyasar at gaban, ay nafud yangay sas waluk afud Itamar at gaban, aroro sis Elyasar at talanan ayu yap tua tibak gaban at ngay tagfangguna.

1 Krunika 24:6

Semaya, Netanel at baguama tagriruk ngay taw Lebi at ngay ngayan. Kanya nariruk ngay tagfon fanggalangun at ngay ngayan sis fun at salubangan, ay ngay tagfangguna: Saduk fag tagfon fanggalangun, Akimelek, Abyatar at baguama, ay tagfangguna ngay talanan fag ngay tagfon fanggalangun ay ngay taw Lebi. Elyasar ay Itamar at ngay gaban gungbusan nu gfafidfilian.

2 Krunika 8:14

Ay kata at mama Dabid at fakamulun kanya nafainkafudan ngay tagfon fanggalangun, ay taw Lebi laman gfakamulun at ngay mesa fakamulun. Kanya nafili ngay taw Lebi laman tagfangguna ngay taw gina gfauseganan Dius, ay kanya fagayu ggubuk yangay ngay tagfon fanggalangun nu gfakamulun kayu menit. Ay kanya nafainkafudan yangay ngay tagulit sis Yawi at bale at ngay sakbawan, aroro katanya Dabid, Dius at fagsuguan, at suguan.

1 Samwel 21:1

Dabid nalao sas Nub ay andasug sas Akimelek at bale. Kanya sik tagfon fanggalangun. Akimelek nu nalag Dabid, gtadtaruyan kalimu ay ginto te, “Wain am fagsesadianun?”