1 Krunika 22:9 - Fanawbuid tagsibaliwas Fakayabian

⁹ Dewa katanya, namon kban sa emu sik baguama at nanfunan ke fagmanabayanun aroro at ngay fawayan ban wa namasalag anya. Ay at ngayan Sulumun, ay gfon kban fagmanabayanun sas Israel gina kanya gfunan.

1 Krunika 22:9 ပူးပေါင်းရင်းမြစ်များ

1 Fun 1:13

Loi sas fun Dabid ay nanlong o anya te, ‘O nunda wo nafatuyanan te, ta baguama ban Sulumun at nantubus emu laman sik fun?

1 Fun 2:15

Adunya gbalus te, “O saful o te, au wama fun, ay kanya fagdaul Israel at fagsegun. Dewa katanya, wa nfasludan. At fagmafunanun nasawa ku faduksay, aroro kanya Yawi at fakaylatun.

1 Fun 3:7

Ay katsi, Yawi, ku Dius, au am fagsuguan at natubus ku mama Dabid laman sik fun, dewa au sik mabaguama yay ay kye fagsafulun.

1 Fun 4:20

Ngay taw Uda ay ngay taw Israel kayu lagnas tagsis tigyangan dagat. Ngayu at fakonun ay at fanginum, ay kanya fagayu guseganan.

1 Fun 4:24

Sulumun gagbilug fagdaul Liskung Eufrates tagsabaliwas fakayabian siginans Tifsa sitsigons Gasa. Ay manabayan nu gbanwan nusnga nday fag furuan.

1 Fun 4:25

Nu katanya, fagayu taw sis talun Uda ay Israel, siginans Dan sitsigons Beerseba manabayan nu mabanwan. Ay kaduge Sulumun gleleg, galay sik taw e fagmanabayanun tua gmalunggung sit ngay mesa daga tanuman wat ubas.

1 Fun 5:4

Ay katsi, Yawi nafon angku fagmanabayanun nusnga nday, ay kdi e fawayan ay di e malimu ya.

1 Fun 8:56

“Segi Yawi, aroro nafae fagmanabayanun antam fag ngay taw Israel, kata at fatuyanan. Kanya nafafasludan fagayu at fatuyanan sat fagsuguan Muisis.

1 Krunika 17:11

Ay nu nbul ban o namoli emu sa am ngay mangaguyang at fagfolian, ku fantubus ban emu am baguama tua at sadi, ay gfaksvn kban at fagfagtainanan.

1 Krunika 22:18

Ay kanya nalong sanya fagayu te, “Ay Dius Yawi gufud tua ayu ay gfayayu ayu siginan ay ngay fawayan at munakbang si ayu aroro kanya nafatigwanan wa sa angku fagayu tagbanwan ste fag talun, ay katsi Yawi naylat nu gfagsuguan tam kanya fag ngay taw.

2 Krunika 6:15

“Nafafasludan o am ngay fatuyanan sa ku mama Dabid am fagsuguan. Nafatuyanan o sa anya, ay nafafasludan yangay o katsi fag menit.

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Alubad. 72:1

Dius, foyungi sas fun nu setain at kasakan nu ginsaful, kata am fagmatuyanun,

Alubad. 72:7

Kaduge ban nangus kanya gfunan, at matuyan fag ngay taw umke fagmanabayanun. Ay umke ramraman ban nangus kaduge e magdanun.

Isayas 26:12

Yawi, nafae fagmanabayanun tuo emi, aroro fagayu em nafakamulun, siginan tua am gubuk.

Isayas 45:7

Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

Isayas 66:12

Aroro Yawi glong te, “Namaramraman kban furuan Erusalem. Ay tiba bank talun namuba sa anya at ngay ramraman, kata ban sik liskung nu glugwak. Ngay taw Erusalem umkata ban am sik ngenge; at mina galaga, gsalilian ay gfasusu, ay gugwan anya.

Agay 2:9

Katsi, ku bale ban amasine yap tua ebi taguna. Nu katanya, namae fagmanabayanun kban tuy fag furuan daul. Au, Yawi at Mabalyanan, taglong tuy.”

Tagfangguna 6:24

Ay Gidyun nawat sanya sik fagirugan ay nafangayan te, “Yawi tagfon fagmanabayanun.” Dasug katsi, kanya fag fagirugan si yay gugats Ufra, sis Abieser at ngay kasugfunanan at talun.