1 Krunika 22:5 - Fanawbuid tagsibaliwas Fakayabian

⁵ Ay kanya nalong te, “Ku baguama Sulumun mabaguama yay ay ye nagdalanan. Nangus Yawi at bale maksvn nu masine ay umsik takadungug sas fagdaul daga. Nu katanya, siginan yay katsi gfalganan kwan.” Ay kaduge Dabid gleleg, naugatan nafalganan.

1 Krunika 22:5 ပူးပေါင်းရင်းမြစ်များ

1 Fun 3:7

Ay katsi, Yawi, ku Dius, au am fagsuguan at natubus ku mama Dabid laman sik fun, dewa au sik mabaguama yay ay kye fagsafulun.

1 Fun 9:8

Ay dewa ku bale masine ay kadungug, giklas kban. Ay fagayu ban at nadalan sanya kalipsik ay kadulo ay glong te, ‘Wain Yawi at fagnafakamulunun takatatuy ste fag talun ay sat bale?’

1 Krunika 29:1

Ay sanya ginan, fun Dabid nalong sas fagayu taw Israel te, “Dius nafili ku baguama Sulumun, ay kanya mabaguama yay ay ye nagdalanan. Maksvn tuy fag fakamulun aroro at fagnamawatun fag bale bundi sas taw, sa tua tam Dius Yawi.

2 Krunika 13:7

Nanangalo emu at mauri fag ngay taw, ay nafawayan am Reubuam, Sulumun at baguama, gina kanya masisian ay gina yud e nagdalanan ay gina yud makatu gfawayan ayu.

2 Krunika 2:4

Namawat au Yawi ku Dius at bale laman famauseganan anya, ay kafag bale ban sik yud e malong laman fagnangirugan ngay famaebebanglu fag lune, ay fagfatungkudan fanggalangun fag tinapay. Ay sanya yangay ban nu nangirug ngay fagirugun fag ngay fanggalangun, galay balabag ay fafun, ay galay famiangalay fag menit, ay galay fagmafulun sabaliwa Magdanun nu Bagu Kasure, ay tiba yak fagmafulun laman famauseganan Yawi em Dius. Tuy fag faugali ngay taw Israel at fagaloan ban kabavn.

2 Krunika 2:5

Gbia ku fagnamawatun fag bale laman sas Yawi, aroro em Dius amabalyanan tua tibak dius.

2 Krunika 2:8

Ay fadasugi yangay sa angku ngay kayu sidru, sipres ay tibak kayu at masine tagsiginans Lebanun, aroro saful au te, am ngay taw saful gfuan ngay kayu. Ay ku ngay taw ban nanggubuk am ngay taw

2 Krunika 7:21

Ay dewa ku bale masine ay kadungug, giklas kban. Ay fagayu ban at nadalan sanya kalipsik ay kadulo ay glong te, ‘Wain Yawi at fagnafakamulunun takatatuy ste fag talun ay sat bale?’

Esra 3:12

Ay sanya yangay at mafagtainan fag ngay tagfon fanggalangun, anggan ngay taw Lebi, ay tagfangguna ngay talanan at nalag Yawi at bale taguna. Tiba maksvn nu gwayway kabalu, ay tiba guseganan guro nu nalag Yawi at bale at fagfatungkudan turuk nu ntabu.

Fangatulun 4:3

Ebi gina kyay sik sisian, ku mama ay ku mina kesug tua angku kata nu sadi yay at sisian.

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Isayas 64:11

Ankirug wan em fagnansegan fag Bale at yud e malong, nu inda em ngay mangaguyang nu namauseganan emu. Anrasras wan fagayu em fagagbilugun at mafanud.

Esekyel 7:20

Kanya fagayu kamanagsag at ngay famasine at mabyat nu kabayad laman at fangawat at ngay fagsegan at maksvn nu mauri. Nu katanya, namasik masuya kwan at ngay fagagbilugun fag ngay ramraman.

Agay 2:3

“Sinu am at nalag ku bale taguna at kasinean? Nu gfaladlabian am ku bale katsi ay ebi, inday at masine nu mawatan? O ay malong yangay am te, katsi wa vtv kasine ya?

Agay 2:9

Katsi, ku bale ban amasine yap tua ebi taguna. Nu katanya, namae fagmanabayanun kban tuy fag furuan daul. Au, Yawi at Mabalyanan, taglong tuy.”

Lukas 21:5

Tibak tagadal nafoyung te, “Masine at fangawat sis Dius at bale fag ngay gang ngay taw at nafon ay tiba yak famasine.”

Uan 13:1

Nu munakbang wan taw Udyu at fagmafulun sabaliwa Tagbarita nu Glangfe, Isus saful wa te, andasug wan at buknga nu gubun ste swa daga laman kafoli wan sat Mama. Kanya maksvn nu kesug at ngay tagadal, ay gfalag sa anya te, kafanud nya nu kesug.

Uan 3:30

At masine kanya nu kabalyanan, ay au tiba daga.”

Uan 9:4

Kaduge mamenit yay, masine nu gfakamulun tam at nasugu angku at fagyafakamulunun. Aroro nu nyabi wan, we taw ya mafakamulun.