1 Krunika 20:5 - Fanawbuid tagsibaliwas Fakayabian

⁵ Ay sit fadogan at awayan, Elanan, Yair at baguama, nafabul Lakmi, Gulyat at faduksay tagsiginans Gat. Lakmi at bangko mabyat ay madamvl.

1 Krunika 20:5 ပူးပေါင်းရင်းမြစ်များ

2 Samwel 21:19

Ay sit fadogan at awayan sis Gub, Elanan, Aare-Uregim at baguama tagsiginans Betleem, nafabul Gulyat tagsiginans Gat. Gulyat at bangko mabyat ay madamvl.

1 Krunika 11:23

Ay kanya nafabul yangay sik taw Igiptu, at kabatan limak siu, kafag taw Igiptu at famawayan sik bangko mabyat ay madamvl, dewa katanya, sas Benaya sik famalang way. Ay Benaya naago way lang kafag taw Igiptu at bangko ay kanya yay at famabul.

1 Krunika 20:6

Ngay taw Filistia ay ngay taw Israel nadog yay nawayan sis Gat. Ay ginanya fag awayan e sik taw daul, at sumyu sit daluap unum ay katanya yangay anggan sit darafa. Ay kanya siginan yangays Rafa at kasugfunanan.

1 Samwel 17:4

Ay sanya e sik maseganama fag tagfawayan gduksun siginan at fagmafulan. At ngayan Gulyat, kanya siginans talun Gat. Ay at kabatan siamk darafa gsugfunan.

1 Samwel 17:7

At bangko at angkap mabyat ay madamvl; ay sit fungfung bangko at kabyatan fituk fabudbungguan. Ay tagbuba at famalabag sit fagunan.

1 Samwel 21:9

Ay kafag tagfon fanggalangun gbalus te, “Ste Gulyat at fiso am nafabul fag taw Filistia sis datag Ela. Kafag fiso masifigan sik ramit malaksi ay magamut si sangay tagfon fanggalangun at lanbung. Nu kaylat tuo, namul wo. Kanya way lang at fiso ste.” Dabid nalong te, “Agvd, foni sa angku kafag fiso. Kanya amasine yap tua tibak famawayan fag fiso.”