1 Krunika 20:1 - Fanawbuid tagsibaliwas Fakayabian

¹ Gina ngay fun namawayan fag buknga, Dabid wa nanangalo, anfamato way sis Erusalem. Uab wan at nafangguna at ngay tagfawayan gina namawayan. Ay kanya fagayu narasras ngay taw Amun at talun ay naligung furuan Raba ay naiklas.

1 Krunika 20:1 ပူးပေါင်းရင်းမြစ်များ

2 Samwel 11:1

Gina ngay fun namawayan fag buknga, Dabid wa nanangalo, anfamato way sis Erusalem. Ay kanya nafalao sas fagawayanan Uab ay Israel at ngay tagfawayan. Ay kanya fagayu nababo ngay taw Amun ay naligung furuan Raba.

2 Samwel 17:27

Dabid nu ndasug wan sas Makanaim, Subi, Nakas at baguama siginans Raba, ay Makir, Amyel at baguama siginans Lu-Debar, ay Barsilay fag taw Gilyad tagsiginans Rugelim nafablang anya.

1 Fun 20:22

Sanya ginan, kafag taglong ankakbang sas Israel at fun, ay nalong te, “Falganani ay amatangani at masine am fagnamakamulunun, aroro Aram at fun gdog yay ban namawayan emu fadogan fag banwa.”

1 Fun 20:26

Ay fadogan fag banwa, Ben-Adad nafaful ngay taw Aram ay kanya fagayu nasas furuan Afek laman namawayan ngay taw Israel.

2 Fun 13:20

Elisyu anbul ay nanamoli anya. Kayu banwa gina ngay fananumun gtugbung e sik gaban taw Muab namawayan Israel.

1 Krunika 19:19

Ay Adadeser at ngay fagsuguan nu nalag te, ngay taw Israel nababo wan, kanya fagayu nanangasadi sas Dabid ay ansik ngay fagsuguan. Ay sanya ginan, ngay taw Aram wa kaylat ya ggubuk ngay taw Amun.

Isayas 54:16

Dungugani! Au wan at nawat ngay tagsaful kawat sanbung fag ngay fagagbilugun. Kanya gfae igang afuy ay kawat ngay famawayan. Au yangay at nawat ngay tagfawayan tagagbilug kafag ngay famawayan laman at famabul.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Esekyel 21:20

At sadi tagsas Raba, tagbia fag furuan sis Amun, ay at fadua tagsas furuan Erusalem tagbia fag furuan sis talun Uda at mafatungluan alad gang.

Esekyel 25:5

Ay Raba ban fag furuan namasik fagfafangonan kwan ngay kamelyu, ay Amun ban fag talun namasik fagfafangonan kwan ngay tupa. Nu katanya, sumaful ban am te, au Yawi.

Amus 1:14

Nu katanya, nangirug kban furuan Raba at ngay alad gasfuan at mogat fag ngay afud, kaduge at ngay fawayan gudguroan kata sik fulug nu kalung.

Deuterunumyu 3:11

(Ug way lang fag fun at sawad si sangay taw Refa at kasugfunanan. At fagtiugan at mawatan sanbung, at kabaan labi tuluk siklang ay at rafad unumk siklang. Dasug katsi, kanya fag fagtiugan siyays Raba, ngay taw Amun at furuan daul.)