1 Krunika 19:2 - Fanawbuid tagsibaliwas Fakayabian

² Ay Dabid nalong te, “Namakamulun au at masine sas Kanun aroro at mama nafakamulun at masine sa angku.” Nu katanya, Dabid nasugu at ngay fagsuguan laman namasaful sas Kanun te, kanya kabalu yangay sat mama at nabulan. Ay Dabid at ngay fagsuguan nu ndasug sa sangay taw Amun at talun,

1 Krunika 19:2 ပူးပေါင်းရင်းမြစ်များ

2 Samwel 9:1

Sik menit, Dabid nainto te, “O e sawad yay manga Saul at kasugfunanan laman namalag au ku fakafanyun kata ku nafatuyanan sa ku fagadgalangan Yunatan?”

2 Samwel 9:7

Ay Dabid nalong anya te, “Lag o kalimu. Nafauro au emu laman namalag au sa emu ku fakafanyun kata ku nafatuyanan sa ku fagadgalangan Yunatan. Ay katsi, namagbilug kwan sa emu ku nabul am fufuama Saul at daga, ay bundi lang kanya, siginan ro katsi, ste wan nu gfangon o gfasfuan angku.”

2 Fun 4:13

Ay Elisyu nalong sat fagsuguan te, “Kafag mangena masine tua nu galaga anta, nu katanya nanginto o sa anya te, nataw at fakaylatun ta fagnamakamulunun sa anya? O kaylat nu namakamatoanan au tam fun ay mannga fun tagfawayan laman sa anya?” Kanya fag mangena nabalus te, “Wami e fagayudanun; manabayan tua nu mabanwan ami gasfuan em ngay iba.”

1 Krunika 19:1

Abandi, Nakas, ngay taw Amun at fun, anbul. Ay at baguama Kanun at natubus anya laman at fun.

1 Krunika 19:3

ngay taw Amun at ngay tagfangguna nalong sas fun Kanun te, “O gafanud o te, Dabid nasugu at ngay fagsuguan laman namasun emu sam mama at nabulanan? Duan! Kanya nasugu at ngay fagsuguan laman nanlabgaban ay nanrasras tam talun.”

Nemyas 13:1

Gina gtap fag menit Muisis at Faugali sa sangay taw, kanya fagayu nasaful te, kafag Rirukan gsalag ngay taw Amun ay taw Muab nu nangasuglat sas Dius at ngay taw.

Nemyas 4:3

Ay Tubya fag taw Amun, malindug munakbang sis Sanbalat, nalong yangay te, “Nusdi ro sik idu talun at nananlao sanya fag alad, karufa way!”

Nemyas 4:7

Dewa katanya, Sanbalat ay Tubya ay anggan ngay taw Arabya, taw Amun ay taw Asdud nu nadungug te, gfataglayun nu kawat ami Erusalem at alad, ay antabu wan nu gfaut ami ngay sulat alad, kanya fagayu maksvn nu kadotama emi. Kanya fagayu at algan namawayan Erusalem laman nansalag emi.

Ester 6:3

Siginan at natap, fun nainto te, “Nataw tam famangsi ay famauseganan sas Mardukyu aroro sat nafakamulun?” Fun at ngay fagsuguan nalong te, “Mesug fag fun, duan.”

Takamoyung 9:15

Ay sanya fag furuan e sik mangama at ke fagsafulun, dewa katanya, kanya sik yud way e kwa. Ay kanya ro mafalangfe way at furuan siginan at fagsafulun. Dewa katanya, we namatang anya.

Uan 11:19

ay ngayuk taw Udyu at nansibo Marta ay Maria laman namasun, aroro sat faduksay at nabulanan.

1 Samwel 30:26

Dabid nu ndasug sas Siklag, kanya nafae afud yangay sa sangay fagtainan sis talun Uda. Ay kanya nalong sa anya fagayu te, “Kanya ku fon ayu em nabul siginans Yawi at ngay fawayan.”