1 Krunika 18:2 - Fanawbuid tagsibaliwas Fakayabian

² Ay Dabid nababo yangay ngay taw Muab, ay kanya fagayu nafon famayad sa anya.

1 Krunika 18:2 ပူးပေါင်းရင်းမြစ်များ

2 Samwel 8:2

Ay Dabid nababo yangay ngay taw Muab. Kanya nafataygilidan kafag ngay taw ay mafataladan sis daga, ay nafasud siginan sik famasud fag lubyang. Ay fagayu at kintap sit fasadi ay at faduak famasud, gfabul wan. Ay at kintap sit fatuluk famasud, wa gfabul. Ay at yud nafabul fag ngay taw Muab, ansadi sas Dabid ay nafon yay sik famayad.

1 Fun 10:2

Kanya andasug sas Erusalem gadgaloan at ngay fagsuguan ngayu, ay e tabanan yangay ngay kamelyu gbuba ngay famaenamnam fakonun, ay ngayuk gintu, ay at mafanud fag ngay gang. Ay kanya nu ndasug sas fun Sulumun, nainto fagayu at fagyaintoun sa anya.

1 Fun 10:25

Galay banwa at nansibo anya e buba famonun at mawatan salapi, ay gintu, ay ngay lanbung, ngay fagagbilugun sas awayan, ngay famaenamnam fakonun, ngay kabayu ay ngay mola.

1 Krunika 18:1

Abandi, Dabid nababo ay nagbilug ngay taw Filistia ay naago siginan kafag ngay taw at furuan Gat ay anggan tagsit ligung fag ngay furuan.

1 Krunika 18:3

Ay Dabid nafawayan yangay Adadeser, talun Suba at fun sitsigons furuan Kamat. Ginanya, fun Adadeser glao laman nangagbilug nusnge wain at munakbang sis Liskung Eufrates.

Alubad. 60:8

Muab ku fagsuguan, ay Edum ku fagagbilugun. Guro au laman famasaful te, nababo kwan ngay taw Filistia.”

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Isayas 16:1

Ngay taw Muab at nalagyu sas Sela fag furuan, sik furuan tagsis tagalagnasun fag talun, foni sik ngay tupa riangan laman famonun sas Erusalem at fun.

Tap 24:17

Nalag au si ku taginfan at yud yay anfasludan. Sik fun ban tagsiginans Akub at kasugfunanan namagtainan sas Israel. Ay kanya ban gfamin ngay taw Muab ay Set at ngay kasugfunanan fagayu.

1 Samwel 10:27

Ay tibak taw gfalingun Saul te, “Ay setain ban kanya nu mafalangfe antam?” Ay kafag ngay taw wa nafon ya famonun sas Saul laman famauseganan sat funan ban. Dewa katanya, Saul wa kasalag kafag ngay taw.