siginan nu gfili au ngay tagfangguna ku ngay taw Israel. Ay namabo kban fagayu am fawayan. Ay au Yawi, gfatuyanan au te, siginan tua ban gugat am kasugfunanan at nanfunan ku ngay taw Israel.
Naufud au emu dewa nday nu glao o ay nafababo au emu sas fagayu am ngay fawayan. Ay katsi namasik takadungug au emu kata tibak taw takadungug sas fagdaul daga.
Siginan am fagmabalyananun, naiyan o tibak gaban taw at yud gafanud sa emu siginan at furuan, ay nafaurianan o anya fagayu. Dewa katanya, nafabanwan tuo sanya em ngay mangaguyang, ay nafae ramraman tuo.
Nu nlangfe ngayuk banwa, Igiptu at fun anbul wan. Ay dewa katanya, ngay taw Israel gidapan yay gugat siginan nu gafagsuguanan. Ay kanya fagayu naet gubuk sas Dius, ay Dius nadungug at fagetun.
Di ban e gfangagras ya sim talun, ay wa ban e faurianan ya takadasug sa emu. Fakalangfeun ban gligung emu kata sik alad, ay fagayu ban tagsakbo sa emu gfauseganan ban angku.
Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.
Siginan ban tibak talun namaful kban kanya fagayu ay namuba kban sat talun. Nangalaga kban anya sanya sa sangay buksul, ay si sangay tigyangan liskung tagsis talun Israel, ay si tibak fagbanwanan fag ngay talun.
Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.
‘Ay ginanya ban Dius garus kafag ngay taw at liasun. Ay wa ban e fakabulun ya, ay we fakabaluun ya,’ ay we fagwaywayun ya, ay we fakasaitun ya, aroro nalyam wan at dan fagayu nusnge wain.”