1 Krunika 17:7 - Fanawbuid tagsibaliwas Fakayabian

⁷ “Ay longi yangay sas Dabid te, ‘Au, Yawi at Mabalyanan, glong au te, ebi sik tagulit way o ngay tupa, dewa katanya, nafili au emu laman at namangguna ku ngay taw Israel.

1 Krunika 17:7 ပူးပေါင်းရင်းမြစ်များ

2 Samwel 6:21

Ay Dabid nabalus Mikal te, “Nafakamulun au takatanya sas Yawi at daga salubangan aroro kanya nafili angku laman fantubus am mama, mannga nu sinu at sadi at kasugfunanan. Yawi nafili angku laman nanfunan ngay taw Israel. Nu katanya, gfataglayun au gfauseganan Yawi sat daga salubangan.

2 Samwel 7:8

“Ay longi yangay sas Dabid te, ‘Au Yawi at Mabalyanan, glong au te, Ebi sik tagulit way o ngay tupa, dewa katanya, nafili au emu laman at namangguna ku ngay taw Israel.

1 Krunika 17:6

Ay kaduge au gadgalinan gasfuan ku ngay taw kya batang glong sa ku nafili fag ngay tagfangguna taw Israel te, “Wain ay fagyudun nawat ku bale at fangawat kayu sidru?” ’

1 Krunika 17:8

Naufud au emu dewa nday nu glao o ay nafababo au emu sas fagayu am ngay fawayan. Ay katsi namasik takadungug au emu kata tibak taw takadungug sas fagdaul daga.

2 Krunika 6:6

Ay katsi, nafili au Erusalem laman fagnangawatan ku bale, ay nafili au Dabid laman namagtainan ku ngay taw Israel.’

Mateu 2:6

‘O wan Betleem sis talun Udea, o tua at tiba tungud fag furuan sis fagdaul talun Udea, aroro siginan emu umsure ban sik Fun, at namagtainan ban ku ngay taw Israel.’ ”

Lukas 5:10

Ay anggan Sebedeu at baguama fagdua, Santiagu ay Uan, andulo yangay. Kafag duksay, Simun at ibama. Ay Isus nalong sas Simun te, “Lag kadulo, siginan ban katsi bunwa albon ya am fagnanggamatun, ngay taw tua.”

1 Samwel 17:15

Dabid gfoyfolian gugat sas Saul at fagmafulan ay sas furuan Betleem laman gulit at mama at ngay tupa.