1 Krunika 17:5 - Fanawbuid tagsibaliwas Fakayabian

⁵ aroro siginan ebi nu gfaduksun au ngay taw Israel siginans talun Igiptu kya batang gbanwan si sik bale at mogat. Ay dasug katsi gadgalinan kway gugat sa sangay bale ramit.

1 Krunika 17:5 ပူးပေါင်းရင်းမြစ်များ

2 Samwel 6:17

Ay kanya fagayu nafasakbo Fagsuadan Yawi at Nasadian sas Dabid at nafawat fag bale ramit, ay nafon sas Yawi at fagirugun fag ngay fanggalangun ay anggan ngay fanggalangun laman sas fagmanabayanun.

2 Samwel 7:6

Siginan ebi nu gfaduksun au ngay taw Israel siginans talun Igiptu kya batang gbanwan si sik bale at mogat. Ay dasug katsi gadgalinan kway gugat, ay ku fagbanwanan sik bale ramit.

1 Fun 8:16

‘Siginan nu gfaduksun au ku ngay taw Israel siginans talun Igiptu, kye nafili sik kasugfunanan taw Israel at furuan laman ku fagnangawatan ku bale, laman fagnamauseganan angku. Ay dewa katanya, nafili au Dabid laman namagtainan ku ngay taw Israel.’

1 Fun 8:27

“Dius, o manamanwan o ste swa daga magamut ngay taw? Dewa si tiba tungud fag banwa ya kasakan sa emu, ay kaugat wan ste ku nafawat fag bale!

2 Krunika 2:6

Dewa katanya, sinu at manangawat Yawi at bale? Dewa sis banwa ay si tiba tungud fag banwa ya kasakan sa anya. Ay sinu au nunda at manangawat Yawi at bale? Ku fagmakatuun kawat fagirugan way lang em ngay fanggalangun sit daga salubangan.

2 Krunika 6:18

“Dius, o manamanwan o ste swa daga magamut ngay taw? Dewa si tiba tungud fag banwa ya kasakan sa emu, ay kaugat wan ste ku nafawat fag bale!

2 Krunika 6:5

‘Siginan nu gfaduksun au ku ngay taw siginans talun Igiptu, kye nafili sik kasugfunanan taw Israel at furuan laman ku fagnangawatan ku bale, laman fagnamauseganan angku, ay kyangay e nafili sik fun laman sa ku ngay taw Israel.

2 Krunika 6:6

Ay katsi, nafili au Erusalem laman fagnangawatan ku bale, ay nafili au Dabid laman namagtainan ku ngay taw Israel.’