1 Krunika 17:2 - Fanawbuid tagsibaliwas Fakayabian

² Ay Natan nabalus Dabid te, “Fakamuluni am fakaylatun gfakamulun aroro Dius gufud tua emu.”

1 Krunika 17:2 ပူးပေါင်းရင်းမြစ်များ

2 Samwel 7:3

Ay Natan nabalus fun Dabid te, “Fakamuluni nusnga setaw am fakaylatun, aroro Yawi gufud tua emu.”

1 Fun 8:17

“Ku mama Dabid maksvn nu kaylat namawat sik bale laman gfauseganan Yawi, Israel at Dius.

1 Krunika 17:1

Ay Dabid nu noli wan sat bale, nalong sas Natan fag taglong te, “Nu gbanwan au si tua at masine fag bale at fangawat kayu sidru, dewa katanya, Fagsuadan Yawi at Nasadian siway sik bale ramit.”

1 Krunika 17:3

Ay ginanya fag yabi Dius nalong sas Natan te,

1 Krunika 22:7

Ay Dabid nalong yangay te, “Ku baguama, namalindug kwa ma Yawi at bale, laman sat fagmasineun.

1 Krunika 28:2

Kanya fagayu nu maful wan, Dabid anlindug ay glong te, “Ku ngay faduksay ay ku ngay taw, dungugani. Kaylat au namawat Yawi at bale laman fagfasakboan Fagsuadan Nasadian, ay laman e fagfatungkudan at ngay darafa. Ay e algan kwan at namawat takatanya.

Alubad. 20:4

Kanya nangus gfon emu fagayu am fagetun, ay ggubuk nangus emu gbabo kata am ngay algan.

Sakaryas 8:23

Ay ginanya ban fag menit, safuluk taw tagsaman at fangaringang at yud gbanwan sanya, nangakbang sa sik taw Udyu ay glong te, ‘Kaylat ami nangalo ayu aroro nadungug ami te, Dius galo ayu.’ ”

Lukas 1:28

Ay kafag tagbarita nu ndasug, nalong sas Maria te, “Useganani, aroro tam Fun ggubuk tua emu ay si yangay emu.”

1 Kurintu 13:9

Katsi ya tam fia e fagsafulun, ay ya tam fia saful gfayamag Dius at longan.

Uswe 9:14

Ngay taw Israel nalingaman tiba kanya fag ngay taw at fetus, ay dewa katanya, wa nainsaful sas Yawi.

1 Samwel 10:7

Nu nfasludan ro takatanya, namakamulun ban o nusnga setaw at masine aroro Dius ban gufud tua emu.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”