1 Krunika 17:16 - Fanawbuid tagsibaliwas Fakayabian

¹⁶ Sanya ginan, fun Dabid nasakbo sas bale ramit sat fagfasakboan Fagsuadan Nasadian ay namalunggung sanya sis Yawi at daga salubangan ay gdarangin te, “Yawi, ku Dius, sinu au nunda, ay sinu ku ngay kasugfunanan laman sik mauseganan ami sa emu?

1 Krunika 17:16 ပူးပေါင်းရင်းမြစ်များ

Fakasigadan 32:10

Kwa masine gbul fagmasineun ay fagmatuyanun am nafalag sa angku am fagsuguan. Aroro ebi gina au gdife Liskung Urdan, kwe buba sangay ku tulag, ay dewa katanya katsi, e tabanan ktua duak gaban.

2 Samwel 7:18

Sanya ginan, fun Dabid nasakbo sas bale ramit sat fagfasakboan Fagsuadan Nasadian ay namalunggung sanya sis Yawi at daga salubangan ay gdarangin te, “Yawi, ku Fun, sinu au nunda, ay sinu ku ngay kasugfunanan laman sik mauseganan ami sa emu?

2 Fun 19:14

Esekyas nu nabul rirukan siginan kafag ngay tagfosuk, kanya natap, ay nalao sas Yawi at bale ay narafad kafag rirukan sis Yawi at daga salubangan.

1 Krunika 17:15

Nu katanya, Natan nalong sas Dabid Yawi at foyungan fagayu sa anya.

1 Krunika 17:17

Ay katsi nafatuyanan yay o sa ku kasugfunanan ban. Natuyan o angku kata sik mabalyanan fag taw.

1 Krunika 29:14

Dewa katanya, sinu au ay ku ngay taw laman namon ami sa emu takayu tuy fag fanggalangun? Fagayu nusnge wain siginan emu, ay gfafoli ami sa emu am nafon sa emi.

2 Krunika 1:8

Ay Sulumun nabalus te, “Nafalag o am fagmatuyanun sa ku mama Dabid. Ay katsi nafili o angku laman fantubus anya.

Alubad. 144:3

Yawi, semafanud tua nunda taw sa emu? Kanya sik taw way, wain am fagamatanganun tua anya?

Fakamulun 26:22

Dasug katsi Dius ggubuk angku, nu katanya malindug au gfoyung sas fagayu taw dewa sat mabalyanan ay sat yud mabalyanan. Ku foyungan sa way lang baliwa Dius at ngay taglong at nalong ay Muisis at longan takafasludan ban te,

2 Kurintu. 1:10

Dius nafalangfe tua emi siginan kafag ngay faurianan tagfabul ma emi, ay gfataglayun tua nu gfalangfe emi. Ay gafanud ami te, kanya ban gfataglayun tua gfalangfe emi,

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,

Tagfangguna 6:15

Ay Gidyun nabalus te, “Tain ro nu mafalangfe au ngay taw Israel? Ay ami wan fag talanan at mamomuy sis Manase at kasugfunanan, ay si emi fag talanan au wan tagafalingunan.”

1 Samwel 7:12

Sanya ginan, Samwel nabul sik gang ay nafasis wabilug Mispa ay Sen. Ay kanya nafangayan kafag gang te, Ebeneser, aroro kanya nalong te, “Dasug katsi, Yawi ggubuk tua emi.”

1 Samwel 9:21

Ay Saul gbalus te, “Au siginan kway Benamin at gaban, Israel at kasugfunanan at yud ngayu fag gaban, ay si em gaban ami wan tiba daga fag talanan. Nu katanya, wain am fagnalongun sa angku takatanya?”