1 Krunika 17:12 - Fanawbuid tagsibaliwas Fakayabian

¹² Ay kanya ban at namawat ku bale, ay gtuyan au te, at ngay kasugfunanan tua ban gugat tagfunan kabavn.

1 Krunika 17:12 ပူးပေါင်းရင်းမြစ်များ

1 Fun 5:5

Nu katanya katsi, namatangan au te, namawat kwan Yawi at bale, kata Yawi at suguan sa ku mama Dabid te, ‘Am baguama ban, ku famaungbus emu laman sik fun, kanya ban at namawat sik bale laman sa angku.’

1 Fun 8:19

Dewa katanya, bunwa ban o at namawat, am baguama way ban at namakamulun takatanya laman sa takafauseganan ku ngayan.’

1 Krunika 17:11

Ay nu nbul ban o namoli emu sa am ngay mangaguyang at fagfolian, ku fantubus ban emu am baguama tua at sadi, ay gfaksvn kban at fagfagtainanan.

1 Krunika 17:13

Ay kanya ban gtuyan angku te, at mama, ay gtuyan kyangay ban anya te, ku baguama. Ay kesug ktua ban gugat anya, ay kdi ban gfakamulun kata ku nafakamulun sas Saul am natubus fag fun.

Esra 5:11

Ay kanya fagayu nabalus emi te, “At ke fagsuguan emi, Dius tagagbilug banwa ay fagdaul daga. Nu katanya, gfadog ami kawat Yawi at bale, namafaning ebi Israel at fun at mabalyanan at nafawat.

Alubad. 72:17

Amatangi tua ban nangus gugat kafag fun at ngayan, kaduge ban e menit. Dius nangus gfae ramraman sas fagayu talun, aroro siginan kafag fun, ay tibak talun at ngay taw lumong te, Dius nafae ramraman kafag fun.

Alubad. 89:29

Gfasiginan ktua ban gugat at kasugfunanan talun Israel at ngay fun; gfaksvn ktua ban gugat at fagfagtainanan, kata banwa nu yud gbadbalian.

Alubad. 89:4

‘Siginan tua ban gugat am kasugfunanan Israel at ngay fun, ay kabavn ban gfakatanya ktua gugat.’ ”

Alubad. 89:5

Yawi, am ngay awatan sis banwa ay anggan ngay tagbarita maful gfauseganan emu, aroro matuyan tuo ay nafakamulun o at ngay madulo.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

1 Kurintu 15:25

Aroro masine tam Fun Isus nu gfagtainan yakmay ban nafasa at daga darafa at ngay fawayan.

Kulusas 2:9

Aroro Dius at fagmadiusun siwa tam Fun Isus.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”