1 Krunika 16:3 - Fanawbuid tagsibaliwas Fakayabian

³ Ay kanya nafon tinapay, yamas, ay pasas sa sangay taw Israel, mangama man ay mangena.

1 Krunika 16:3 ပူးပေါင်းရင်းမြစ်များ

1 Fun 3:15

Sulumun anfulo ay nasaful te, Yawi nakamatoan anya siginan at taginfan. Ay gina Sulumun anfoli sas Erusalem, kanya namalindug sis salubangan Fagsuadan Nasadian ay nafon ngay fagirugun fag fanggalangun ay ngay fanggalangun laman sas fagmanabayanun, ay nafalganan wa vtv ngay fakonun laman sat ngay fagsuguan.

1 Krunika 16:2

Ay Dabid nu ntabu gfon at ngay fanggalangun, kanya nafadante ngay taw sas Yawi at ngayan.

1 Krunika 16:4

Ay Dabid nafili ngay taw Lebi laman tagfakamulun sas Fagsuadan Yawi at Nasadian laman gdarangin, gseg ay gfauseganan Yawi, Israel at Dius.

2 Krunika 30:24

Fun Esekyas nafon sa sangay taw sadik libuk baka tama, fituk libuk tupa ay kambing. Ay anggan at ngay tagfangguna nafon yangay sadik libuk baka tama, ay safuluk libuk tupa ay kambing. Ngayu tagfon fanggalangun at nafasine at ngay sadili.

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Sulumun at Alubad 2:5

Foni angku at matamis fag ngay rawvg laman ro gdog kyay kabitsug, aroro at kaksvnan nu kesug au, anmomuy au.

Isayas 16:7

Nu katanya, ngay taw Muab nanwayway aroro kabalu at furuan. Kanya ban fagayu gwayway gfandeng aroro nalyam wan at mayayum fag ngay fakonun sis Kir-Kareset.

Esekyel 45:17

Ay kafag tagfangguna namon fagirugun fag ngay fanggalangun, gutluan fag ngay fanggalangun, fanginum fag fanggalangun, famalyam asalanan fag fanggalangun, ay fanggalangun laman sas fagmanabayanun. Kanya namon takatanya fag ngay fanggalangun galay fagmafulun sabaliwa Magdanun nu Bagu Kasure, Famiangalay fag Menit, ay tiba ya at fagmafulun. Kanya namon kafag ngay fanggalangun laman famalyam ngay taw Israel at ngay asalanan.

Usea 3:1

Yawi nalong sa angku te, “Usea, ulii yap, ay namasaful o sam mangena te, kesug yay o fia anya dewa sik takamatugtug. Esugi anya kata nu kesug au ngay taw Israel dewa naseg tibak fagsegan siginan nu gfon ngay tinapay ke ngay famasuglat.”

1 Pedru 4:9

Dangay fabulunan nu gfasakbo am ay ngay faduksay sa ay ngay bale.