1 Krunika 15:2 - Fanawbuid tagsibaliwas Fakayabian

² Ay sanya ginan, Dabid nalong te, “Ngay taw Lebi yakman lang tagbuba Fagsuadan Nasadian, aroro Yawi nafili anya fagayu laman tagbuba, ay tagfakamulun sa anya kabavn.”

1 Krunika 15:2 ပူးပေါင်းရင်းမြစ်များ

2 Samwel 6:13

Tagbuba Fagsuadan Yawi at Nasadian nu nasiklang unum, Dabid nalong sa anya fagayu te, “Karagang yap tam.” Ay kanya fagayu nafon sas Yawi at ngay fanggalangun, sik baka tama, ay sik tumad baka at mafatagluan.

2 Krunika 35:3

Ay kanya nafon yangay fakamulun sa sangay taw Lebi fag ngay takamoyung sis Erusalem, at nafili laman tagfakamulun sis Yawi at bale. Ay kanya nalong sa anya fagayu te, “Nafasakbo wan Fagsuadan Nasadian sas Yawi at bale, sis Sulumun, Dabid at baguama at nafawat, ay wa ban am namuba ya gugat. Nu katanya, fagayu buknga fakamuluni sa ay Dius Yawi, ay sat ngay taw Israel.

Nu Galin 25:14

Fasuluni kafag ngay famuba sa sangay buksung tagsis fagsuadan at ngay fugungan laman mabuba.

Isayas 66:21

Ay tiba ban gfili au laman sik ngay tagfon fanggalangun ay taggubuk ngay tagfon fanggalangun. Au, Yawi, taglong tuy.

Tap 3:6

“Fauroi Lebi at ngay kasugfunanan ay tabani sas Arun fag fun tagfon fanggalangun laman ggubuk anya.

Tap 3:9

Nafili Lebi at ngay kasugfunanan laman ggubuk Arun talamean.

Tap 7:9

Dewa katanya, Muisis we nafon faguyudan ay baka sas Kuat at ngay kasugfunanan aroro kanya wan tagbuba ngay fagagbilugun yud e malong siginans bale ramit.

Deuterunumyu 10:8

Ay ginanya, Yawi nafili Lebi at kasugfunanan laman tagbuba Fagsuadan at Nasadian ay at namakamulun sis Yawi at daga salubangan ay laman namadante ngay taw sa at ngayan. Ay dasug katsi kanya fagayu gfakamulun takatanya.

Deuterunumyu 31:9

Ay Muisis nariruk tuy fag ngay suguan ay nafon sas Lebi at ngay kasugfunanan fag ngay tagfon fanggalangun, tagbuba Fagsuadan Nasadian sas Yawi, ay sas Israel at ngay fagtainan.

Uswe 3:3

ay nalong sa sangay taw te, “Nu nalag am ngay taw Lebi nu gbuba Fagsuadan Nasadian sa ay Dius Yawi, aloi,

Uswe 6:6

Nu katanya, Uswe nafauro ngay tagfon fanggalangun ay nalong te, “Bubai Fagsuadan Nasadian. Am at fitu gunai ay bubai ay mesa budyung.”