1 Krunika 13:6 - Fanawbuid tagsibaliwas Fakayabian

⁶ Sanya ginan, Dabid ay ngay taw Israel nalao sas Baala (at ngayan yangay te, Kiryat-Earim) tagsis talun Uda laman namul Fagsuadan Dius at Nasadian; Yawi gbanwan sanya sis wabilug duak awatan ke fakfak.

1 Krunika 13:6 ပူးပေါင်းရင်းမြစ်များ

1 Fun 8:16

‘Siginan nu gfaduksun au ku ngay taw Israel siginans talun Igiptu, kye nafili sik kasugfunanan taw Israel at furuan laman ku fagnangawatan ku bale, laman fagnamauseganan angku. Ay dewa katanya, nafili au Dabid laman namagtainan ku ngay taw Israel.’

2 Fun 19:15

Sanya ginan, kanya gdarangin te, “Yawi, Israel at Dius, at malunggung sit faglunggungan sis wabilug ngay awatan at ke fakfak, o way lang Dius sas fagayu fagfagtainanan sas fagdaul daga. O wan at nawat banwa ay fagdaul daga.

Alubad. 80:1

Israel at Tagalaga, malunggung o sim faglunggungan sis wabilug duak awatan ke ngay fakfak. Dungugi emi, aroro o tua tagfangguna ay tagtabanan Use at ngay kasugfunanan kata ngay tupa.

Alubad. 99:1

Tam Fun Yawi malunggung sit bale, sis buknga duak awatan at ke fakfak. Nu katanya, ngay taw maksvn nu kalimu, ay fagdaul daga guigan.

Nu Galin 20:24

“Nangawat am sik fagirugan fanggalangun mawatan siginans lutuk laman sa angku, ay stie ban nu nangirug am ay ngay fanggalangun fag ngay tupa, kambing ay ay ngay baka laman ay fagirugun fag fanggalangun, ay fanggalangun laman sas fagmanabayanun. Namakamulun am tuy sa ku nafili fag buknga ay fagnansegan sa angku, ay nanlag au ayu sanya, ay namon au sa ayu nusnge wain.

Nu Galin 23:21

Dungugani anya ay faningi at ngay longan, ay lag am kauri anya, aroro fagayu at fakamulun, gfakamulun sa ku ngayan ay kanya wa gfabayan ayu laman diam gfataglayun sa ay ngay asalanan.

Nu Galin 25:22

Ay nangalagan au emu sas buknga kafag duak awatan tagsis tungud fagsuadan, ay namon au sa emu fagayu suguan laman sa sangay taw Israel.

Isayas 37:16

“Yawi at Mabalyanan, Israel at Dius, at malunggung sit faglunggungan sis wabilug ngay awatan at ke fakfak, o way lang Dius sas fagayu fagfagtainanan sas fagdaul daga. O wan at nawat banwa ay fagdaul daga.

Tap 6:27

“Siginan takatanya, Arun talamean gfatoglag sa sangay taw Israel te, sinu au, nu katanya, gfon kban fagmasineun sa anya fagayu.”

Tap 7:89

Muisis nu gsakbo sas Yawi at bale laman namakamatoan Yawi, kanya nadungug sik aringang gfakamatoan anya siginans wabilug duak awatan at ke fakfak, sis tungud suklub Fagsuadan Nasadian. Sanya Yawi nu gfakamatoan Muisis.

Uswe 15:60

Kiryat-Baal (kanya Kiryat-Earim) ay Raba: duak furuan, kataip wan ngay furuan ayu sirut sit ligung.

Uswe 15:9

Ay sanya ginan, gtaglayun sas bulbug Neftua, ay gduksun sa sangay furuan ayu daul munakbang sis buksul Efrun, ay gturunan sas Baala (kanya Kiryat-Earim),

Uswe 9:17

Nu katanya, ngay taw Israel nalao kaduge tuluk menit, ay kanya fagayu andasug sa sangay taw Gibyun at talun. Tagbanwan sanya ngay taw Gibyun, taw Kefira, taw Beerut, ay taw Kiryat-Earim.

1 Samwel 4:4

Nu katanya, ngay tagfangguna nasugu sik ngay mangama laman namul Yawi at Mabalyanan at Fagsuadan Nasadian. Ay sis Fagsuadan Nasadian at suklub e duak awatan tagleleg ke fakfak, ay Yawi at Mabalyanan gbanwan sis wabilug kafag duak awatan. Ay Eli at baguama fagdua nanangalo yangay namul.

1 Samwel 6:21

Sanya ginan, kafag ngay taw nasugu ngay tagfosuk longan sas furuan Kiryat-Earim, laman nanlong te, “Ngay taw Filistia nafafoli wan Fagsuadan Nasadian. Gewan, bubai wan sa ay talun.”