1 Krunika 13:5 - Fanawbuid tagsibaliwas Fakayabian

⁵ Nu katanya, Dabid nafaful fagayu taw Israel siginans Liskung Sikur sis Igiptu sitsigons Lebu-Kamat laman namul Fagsuadan Nasadian sas Kiryat-Earim.

1 Krunika 13:5 ပူးပေါင်းရင်းမြစ်များ

2 Samwel 6:1

Dabid nadog yay nafaful ngay taw Israel at makatu namawayan, ay nu fagayu wan tuluk safuluk libu.

1 Fun 4:21

Fun Sulumun gfunan fagayu fagfagtainanan siginans Liskung Eufrates ay taw Filistia at talun sitsigons fungfung talun Igiptu. Kafag ngay fagfagtainanan gfon famayad sa anya, ay kaduge fun Sulumun gleleg, kanya fagayu gfababaun sa anya.

1 Fun 8:65

Kaduge labi ufatk menit Sulumun ay anggan fagayu taw Israel anful laman guseganan sas Yawi tam Dius. Fituk menit laman fagmafulun gina Kawat ngay Fayag, ay fituk menit laman gfadante Yawi at Bale. Ay ngayuk taw at kinful tagsiginans dua alvngvdan, siginans Lebu-Kamat sitsigons fagfamiluganan mamam sis talun Igiptu.

2 Fun 25:21

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

1 Krunika 13:4

Ay fagayu taw naylat aroro nasaful te, katanya tua at masine.

1 Krunika 13:6

Sanya ginan, Dabid ay ngay taw Israel nalao sas Baala (at ngayan yangay te, Kiryat-Earim) tagsis talun Uda laman namul Fagsuadan Dius at Nasadian; Yawi gbanwan sanya sis wabilug duak awatan ke fakfak.

1 Krunika 15:3

Ay Dabid nafaful fagayu taw Israel sas Erusalem at namuba Yawi at Fagsuadan Nasadian sat nafalganan fag bale.

Isayas 23:3

nadife dagat laman namul ay namae bayad at ngay nagutlu siginans Sikur sas Liskung Nilu. Ay fagayu taw siginan sangay talun, sa tua ayu nu namalao at ngay famalaoun.

Eremyas 2:18

Nataw ay nabul gina am nanangakbang sas talun Igiptu ay sas Asirya? Wain ay fagnasauns Liskung Nilu ay Eufrates?

Uswe 9:17

Nu katanya, ngay taw Israel nalao kaduge tuluk menit, ay kanya fagayu andasug sa sangay taw Gibyun at talun. Tagbanwan sanya ngay taw Gibyun, taw Kefira, taw Beerut, ay taw Kiryat-Earim.

1 Samwel 6:21

Sanya ginan, kafag ngay taw nasugu ngay tagfosuk longan sas furuan Kiryat-Earim, laman nanlong te, “Ngay taw Filistia nafafoli wan Fagsuadan Nasadian. Gewan, bubai wan sa ay talun.”

1 Samwel 7:1

Nu katanya, ngay taw Kiryat-Earim nanamul Fagsuadan Nasadian siginans Bet-Semes ay nabuba sas Abinadab at bale sis tungud buksul. Ay nafili Elyasar, Abinadab at baguama laman tagulit.

1 Samwel 7:2

Fagsuadan Nasadian nu sis Kiryat-Earim, duak safuluk banwa. Ginanya ngay taw Israel maksvn nu kabalu ay naet gubuk sas Yawi.