1 Krunika 13:2 - Fanawbuid tagsibaliwas Fakayabian

² Ay kanya nalong sas fagayu taw Israel tagsanya te, “Nu kaylat tuam, ay Yawi tam Dius nu kaylat, namasaful tam sa tam ngay kalongan sas fagdaul talun Israel, anggan sa sangay tagfon fanggalangun ay sa sangay taw Lebi tagbanwan sit ngay furuan ay anggan sat ngay tagalaga fagbaugun sit fagnamafangonan. Ay namauro tam anya fagayu laman ggubuk antam.

1 Krunika 13:2 ပူးပေါင်းရင်းမြစ်များ

1 Fun 12:7

Ay kanya fagayu nabalus te, “Katsi, nu gfalag tuo am fagmalukmeun sa anya fagayu, ay nu gfon tuo at fagetun, kanya ban fagayu gfaning tua emu kabavn.”

2 Fun 9:15

Ay Uram natayukan gina gfawayan ngay taw Aram, ay kanya noli wan sas Esreel laman namafia. Ay Yeu nalong sat ngay ufud fag ngay fun tagfawayan te, “Nu kaylat am nu sik fun au, lag am kaylat nu e glao sas Esreel laman namansulit te, nafili am angku sik fun.”

1 Krunika 10:7

Ay ginanya e ngay taw Israel tagbanwan sis datag Esreel. Ay kanya fagayu nu nalag Israel at ngay tagfawayan nu glagyu, ay Saul talamean nu mabulan, kanya fagayu naubun at ngay furuan ay nalagyu yangay. Nu katanya, ngay taw Filistia nasakbo sanya fag ngay furuan ay nabanwan sanya.

1 Krunika 13:1

Dabid nafakamatoan at ngay tagfangguna, ay at ngay fun tagfawayan, ay ngay tagfangguna ngay tagfawayan.

1 Krunika 13:3

Katsi wan at buknga laman gfafoli tam sa antam Fagsuadan tam Dius at Nasadian, aroro ebi gina yay Saul tam fun wa tam batang ya ginto sabaliwas Dius at fakaylatun.”

Nu Galin 18:23

Ay nasaful kwa te, tuy Dius at fakaylatun am fagnamakamulunun. Ay nu gfaning tua ban o takatatuy, wo gidapan, ay ngay taw guli tua manabayan.”

Fangatulun 15:22

Nu dway o get ya fangatulun sabaliwa am ngay algan, umbalu way ban o, dewa katanya, nu ngayu tua tagfalu emu, umfasludan am ngay algan.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

1 Samwel 31:1

Ngay taw Filistia nanamawayan ngay taw Israel sis buksul Gilbua. Ay ngayuk taw Israel at kinbul ay tiba nalagyu wan.