1 Krunika 11:5 - Fanawbuid tagsibaliwas Fakayabian

⁵ nalong sas Dabid te, “Wam masakbo stae!” Dewa katanya, Dabid nagbilug Siun at mogat fag furuan, ay nafangayan te, Dabid at furuan.

1 Krunika 11:5 ပူးပေါင်းရင်းမြစ်များ

2 Samwel 5:9

Ay Dabid nu nagbilug wan kafag furuan, sanya wan nu gbanwan, ay nafangayan te, Dabid at furuan. Ay Dabid nafafasine ngay alad gfasigad siginans tagligung fag ngay alad anggan sas basad furuan.

2 Samwel 6:10

Ay Dabid wa naylat gbuba Yawi at Fagsuadan Nasadian sat furuan, abat ngate, nafamato way sis Ubed-Edum fag taw Gat at bale.

2 Samwel 6:12

Ay fun Dabid nasaful te, Yawi nafayu Ubed-Edum fag talanan at ramraman aroro galaga Fagsuadan Nasadian. Nu katanya, Dabid nalao sas Ubed-Edum at bale laman namul Fagsuadan Dius at Nasadian. Ay kanya guseganan gbuba sat furuan.

1 Fun 8:1

Sulumun nafaful sas Erusalem taw Israel at ngay fagtainan, tagfangguna ngay kasugfunanan, laman namul Fagsuadan Yawi at Nasadian siginans Dabid at furuan, at masuad te, Siun.

1 Krunika 11:4

Sik menit, Dabid ay at ngay tagfawayan nalao sas Erusalem (at ngayan yangay te, Ebus) laman namawayan. Ay ngay taw Ebus

1 Krunika 11:6

Ay Dabid nalong te, “Nusnga sinu tua ro at nafangguna namawayan ngay taw Ebus, kanya waban ku ngay tagfawayan at fun.” Ay Uab, Seruya at baguama at nanamangguna. Nu katanya, kanya wan ngay tagfawayan at fun.

1 Krunika 11:7

Ay Dabid nu nagbilug wan kafag furuan, sanya wan nu gbanwan, ay nafangayan te, Dabid at furuan.

2 Krunika 5:2

Sulumun nafaful sas Erusalem taw Israel at ngay fagtainan, tagfangguna ngay kasugfunanan, laman namul Fagsuadan Yawi at Nasadian siginans Dabid at furuan, at masuad te, Siun.

Alubad. 122:5

Ste yangay fag furuan, Dabid at ngay kasugfunanan fag ngay fun nu nanmalunggung laman nanginsaful.

Alubad. 132:13

Yawi nafili furuan Siun laman at fagbanwanan. Ay nalong te,

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 48:2

Kafag buksul ngabat ay masine, ay gfae fagusegananun sas fagdaul daga. Siun yud e malong fag buksul at mabalyanan fag Fun at furuan.

Alubad. 78:68

ay at nafili, Uda way at ngay kasugfunanan, ay nafili yangay Buksul Siun, aroro kesug.

Alubad. 87:5

Katatuy at longan sabaliwas Erusalem: Fagayu ban gaban taw, umsik ngay taw Erusalem wan, kata nu sanya wan nu kasalug. Ay Tiba Tungud fag Dius gfaksvn kafag furuan.

Alubad. 9:11

Alubadi useganani sas Yawi, Erusalem at fun! Ay foyungi sa sangay talun at taw at ngay fakamulun!

Ruma 9:33

Kata at Rirukan te, “Damai, nafoli au sik fakataidan fag gang si sangay taw Udyu, kanya ban tagfalub kafag ngay taw. Dewa katanya, nusnga sinu tagafanud sanya fag gang di ban umkapla.”

Ebreu 12:22

Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.

At Nafasure 14:1

Ay sanya ginan nalag au Tupa Riangan nu malindug sis Buksul Siun, gfadgaloan 144,000k taw. Marirukan sit ngay dangasan Tupa Riangan at ngayan ay anggan at Mama at ngayan.

Tagfangguna 19:10

Dewa katanya, at nugang wa nafadiuganan ya at nugangama, abat ngate, glao wan gadgaloan at mangena ay anggan at fagsuguan ay at asnu fagdua. Menit nu gakafalyuun wan, kanya fagayu andasug munakbang sas Ebus, (at ngayan yangay te, Erusalem.) Nu katanya, at fagsuguan nalong te, “Nu masine gtiug yap tam ste, si sangay taw Ebus at furuan daul.”

1 Samwel 17:26

Dabid nainto sit akbang fag tagfawayan te, “Sinu atsi fag taw Filistia yud gtoglag Dius ay tagfalingun tagleleg fag Dius at ngay tagfawayan? Nataw ro fun at famonun sat nafabul anya laman karagang wan nu gfapla ngay taw Israel?”

1 Samwel 17:36

Nafakamulun au takatanya sa sangay liun ay sa sangay usu, ay mafakamulun kyangay ro takatanya sa anya. Kafag taw Filistia yud gtoglag Dius, kamatungudun gfalingun tagleleg fag Dius at ngay tagfawayan.