1 Krunika 11:3 - Fanawbuid tagsibaliwas Fakayabian

³ Nu katanya, Dabid nawat sik nasadian sas Israel at ngay fagtainan, sis Yawi at daga salubangan, ay kanya fagayu naugwag langis sas Dabid at alfuyu laman sik famatoglag te, kanya wan talun Israel at fun, kata Yawi at nafatuyanan siginan at fagsuguan Samwel.

1 Krunika 11:3 ပူးပေါင်းရင်းမြစ်များ

2 Samwel 2:4

Ay gina kanya fagayu gbanwan sanya, ngay taw Uda at ngay tagfangguna andasug sas Kebrun laman nangugwag langis sas Dabid at alfuyu laman famasaful te, kanya wan at fun sas talun Uda. Ay Dabid nu nasaful te, taw Abes-Gilyad at nanamoli Saul,

2 Samwel 5:3

Nu katanya, Dabid nawat sik nasadian sas Israel at ngay fagtainan, sis Yawi at daga salubangan, ay kanya fagayu naugwag langis sas Dabid at alfuyu laman sik famatoglag te, kanya wan talun Israel at fun.

2 Samwel 5:5

Dabid nafunan sis talun Uda fituk banwa ay unumk magdanun ay gbanwan sis Kebrun, ay nafunan yangay ngay taw Israel kaduge tuluk safulu e tuluk banwa, ay gbanwan sis furuan Erusalem.

2 Fun 11:17

Sanya ginan, Euyada nawat sik nasadian sas Yawi ay sa sangay taw ay sat fun te, kanya ban fagayu Yawi at ngay taw. Euyada nawat yangay sik nasadian laman sas fun ay sat ngay taw.

2 Fun 23:30

Ay at ngay fagsuguan nabuba at bilug siginans Megidu ay nafasakay sas faguyudan kabayu ay nafauli sas Erusalem, ay nanamoli sat sadili fagfolian. Sanya ginan ngay taw Uda nafili Yuakas, Usyas at baguama, laman sik fun, fantubus anya, siginan nu grarus langis sat alfuyu.

1 Krunika 11:10

Kayu tuy Dabid at ngay tagfangguna at maseganama fag ngay tagfawayan. Kanya wan fag ngay tagfangguna ay ngay taw Israel at nagubuk Dabid laman sik fun, kata Yawi at nafatuyanan sas Israel.

2 Krunika 23:3

nasas Yawi at bale ay nawat at nasadian sas Uas, fun at baguama. Ay Euyada nalong sa sangay taw te, “Katsi wan at buknga fun at baguama nu gfunan, kata Yawi at fatuyanan te, siginan tua ban gugat Dabid at kasugfunanan tagfunan.

Tagfangguna 11:11

Nu katanya, Efta nanangalo kafag ngay fagtainan sas Gilyad ay sanya fag ngay taw nafili anya laman at tagfangguna. Sis Mispa sis Yawi at daga salubangan, Efta nafamatang at ngay fatuyanan at nalong sa sangay tagfangguna.

1 Samwel 11:15

Nu katanya, kanya fagayu nalo sas Gilgal ay namatigwanan Saul sis Yawi at daga salubangan ay nafon at ngay fanggalangun laman sas fagmanabayanun, ay kanya fagayu anke fagmafulun daul.

1 Samwel 15:28

Samwel nalong sas Saul te, “Katsi Yawi nabul wan siginan emu am fagmafunanun sa sangay taw Israel ay nafon wan sa sik taw tagtungud tua emu nu matuyan.

1 Samwel 16:1

Ginanya, Yawi nalong sas Samwel te, “Seduge tua ban nu kabalu o at kinfasludan sas Saul? Kwa kaylat ya anya nu gfunan. Katsi ro, namapnu o langis sas sunge fag fagsuadan ay loi sas Ese sas furuan Betleem aroro nafili au at baguama at sadi laman sik fun.”

1 Samwel 16:3

Ay gina ro wo namon fanggalangun tabani Ese, ay gfoyung kro emu am fakamulun. Ay gfoyung kyangay ro sa emu Ese at baguama at sadi ku nafili fag fun. Ay ugwagi ro sat alfuyu langis.”

1 Samwel 23:18

Ay duama nu nsadi wan sis Yawi at daga salubangan, Dabid nabanwan yay sis Kures, ay Yunatan noli wan sat fagbanwanan.

1 Samwel 28:17

Yawi nafakamulun kata at longan ku nalong sa emu. Yawi nabul wan siginan emu am fagmafunanun, ay nafon sa am kaiban Dabid.