1 Krunika 11:2 - Fanawbuid tagsibaliwas Fakayabian

² Siginan ebi dewa Saul em fun, o wan tagfangguna ngay taw Israel laman namawayan at ngay fawayan. Ay Yawi am Dius nalong sa emu te, ‘Nangalaga o ku ngay taw Israel, kata sik tagalaga ngay tupa. Ay o wan tagfangguna anya fagayu.’ ”

1 Krunika 11:2 ပူးပေါင်းရင်းမြစ်များ

2 Samwel 5:2

Siginan ebi, dewa Saul em fun, o wan tagfangguna ngay taw Israel laman namawayan at ngay fawayan. Ay Yawi nalong sa emu te, ‘Nangalaga o ku ngay taw Israel, kata sik tagalaga ngay tupa. Ay o wan tagfangguna anya fagayu.’ ”

2 Samwel 7:7

Ay kaduge au gadgalinan gasfuan ku ngay taw kya batang glong sa ku nafili fag ngay tagfangguna taw Israel te, “Wain ay fagyudun nawat ku bale at fangawat kayu sidru?” ’

1 Fun 14:7

Loi wan ay nanlong o sas Erubuam te, ‘Katatuy Yawi, Israel at Dius, at longan: Nafili kwa emu siginans fagngayuan taw laman namangguna o ku ngay taw Israel.

1 Fun 3:9

Nu katanya, foni sa angku sik fagsafulun laman mafangguna au am ngay taw, ay sumaful au at matuyan ay at mauri. Sinu nunda at mananfunan am ngay taw, ay kanya fagayu ngayu mandi?”

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 55:4

Nafili au anya laman gfunan sa sangay talun at taw, ay siginan anya nafasure au ku fagmabalyananun sa kafag ngay taw.

Eremyas 3:15

Ay nanfili kban sik tagfangguna at ke fagsafulun ay at mamatanganan laman at namangguna ayu.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Tap 27:17

ay kanya yangay ban tagfangguna nu namawayan, laman am ngay taw di kata at yud e galaga fag ngay tupa.”

Mateu 2:6

‘O wan Betleem sis talun Udea, o tua at tiba tungud fag furuan sis fagdaul talun Udea, aroro siginan emu umsure ban sik Fun, at namagtainan ban ku ngay taw Israel.’ ”

Uan 10:4

Ay nu nafaduksun wan, kanya gguna at ngay tupa ay at ngay tupa galo anya, aroro gtogdungug tua at aringang.

1 Samwel 16:1

Ginanya, Yawi nalong sas Samwel te, “Seduge tua ban nu kabalu o at kinfasludan sas Saul? Kwa kaylat ya anya nu gfunan. Katsi ro, namapnu o langis sas sunge fag fagsuadan ay loi sas Ese sas furuan Betleem aroro nafili au at baguama at sadi laman sik fun.”

1 Samwel 16:13

Ay Samwel nabul at buba fag langis ay naugwag sas Dabid at alfuyu sit ngay faduksay at daga salubangan. Siginan ginanya fag menit, Yawi at Falad antayuk sas Dabid. Ay Samwel noli wan sas Rama.

1 Samwel 18:13

Nu katanya, Saul nafili Dabid tagfangguna sik libuk tagfawayan laman umyayu siginan anya. Ay Dabid gfangguna kafag ngay tagfawayan galay namawayan.