1 Fun 8:3 - Fanawbuid tagsibaliwas Fakayabian

^3-4 Gina ngay taw Israel at ngay fagtainan andasug, ngay tagfon fanggalangun ay ngay taw Lebi nanamul Fagsuadan Nasadian, ay anggan Fagnansegan fag Bale ramit ay fagayu tagsanya fag ngay fagagbilugun at yud e malong.

1 Fun 8:3 ပူးပေါင်းရင်းမြစ်များ

2 Samwel 6:12

Ay fun Dabid nasaful te, Yawi nafayu Ubed-Edum fag talanan at ramraman aroro galaga Fagsuadan Nasadian. Nu katanya, Dabid nalao sas Ubed-Edum at bale laman namul Fagsuadan Dius at Nasadian. Ay kanya guseganan gbuba sat furuan.

1 Fun 8:6

Sanya ginan, ngay tagfon fanggalangun nafasakbo Fagsuadan Nasadian sas Yawi at bale sat Mafasamanan Fia fag Suluk, si sangay tagleleg fag ngay awatan at ngay daga fakfak.

1 Krunika 15:2

Ay sanya ginan, Dabid nalong te, “Ngay taw Lebi yakman lang tagbuba Fagsuadan Nasadian, aroro Yawi nafili anya fagayu laman tagbuba, ay tagfakamulun sa anya kabavn.”

Tap 4:15

“Ay Arun talamean nu ntabu gsuklub bale ramit ay fagayu at ngay fagagbilugun, Kuat at ngay kasugfunanan tagbuba tuy fagayu gina glo siginan at fagtungkudan. Dewa katanya, kanya fagayu wa masine gted kafag ngay fagagbilugun at yud e malong laman di kabul. Kanya wan fag ngay fagagbilugun tagsis Yawi at bale, Kuat at ngay kasugfunanan at fagnamubaun ban.

Tap 7:9

Dewa katanya, Muisis we nafon faguyudan ay baka sas Kuat at ngay kasugfunanan aroro kanya wan tagbuba ngay fagagbilugun yud e malong siginans bale ramit.

Deuterunumyu 31:9

Ay Muisis nariruk tuy fag ngay suguan ay nafon sas Lebi at ngay kasugfunanan fag ngay tagfon fanggalangun, tagbuba Fagsuadan Nasadian sas Yawi, ay sas Israel at ngay fagtainan.

Uswe 3:3

ay nalong sa sangay taw te, “Nu nalag am ngay taw Lebi nu gbuba Fagsuadan Nasadian sa ay Dius Yawi, aloi,

Uswe 3:6

Uswe nalong yangay sa sangay tagfon fanggalangun te, “Bubai Fagsuadan Nasadian ay gunai ngay taw.” Ay kanya fagayu nafaning Uswe at longan.

Uswe 4:9

Ay Uswe nafoli yay labi duak gang sis wabilug liskung, si mandi ngay tagfon fanggalangun tagbuba Fagsuadan Nasadian aro at fagmalindugan. Dasug katsi, sanya yay gugat kanya fag ngay gang.

Uswe 6:6

Nu katanya, Uswe nafauro ngay tagfon fanggalangun ay nalong te, “Bubai Fagsuadan Nasadian. Am at fitu gunai ay bubai ay mesa budyung.”