1 Fun 5:9 - Fanawbuid tagsibaliwas Fakayabian

⁹ Ku ngay fagsuguan namuba ban kafag ngay kayu siginans Lebanun sitsigons dagat. Ay kanya ban fagayu namalimusan sas dagat kafag ngay kayu ay namadasug ban sam nalong fag buknga. Ay nu ndasug ban sanya, ku ngay fagsuguan yay tagluas, ay at namuba ban sam fagbalean am ngay fagsuguan wan. Ay foni angku ngay fakonun laman e fakonun ktua sa ku bale.”

1 Fun 5:9 ပူးပေါင်းရင်းမြစ်များ

1 Fun 3:12

gfon au emu fagayu am fagetun. Gfon au sa emu fagsafulun ay fagmamatanganun at yud yay batang e nagbilug ay at yud ban e magbilug ya kabavn.

1 Fun 4:20

Ngay taw Uda ay ngay taw Israel kayu lagnas tagsis tigyangan dagat. Ngayu at fakonun ay at fanginum, ay kanya fagayu guseganan.

1 Fun 5:10

Nu katanya, Kiram nafon sas fun Sulumun at fakaylatun fag ngay kayu sidru ay sipres.

1 Fun 5:8

Ay Kiram nafadasug sik longan sas fun Sulumun ay glong te, “Nadungug au am longan am nafadasug sa angku. Nu katanya, namon au sa emu am fagetun fag ngay kayu sidru ay sipres.

1 Fun 9:27

Ay fun Kiram nafasanya ngay sakayan lino ay tibak taw tagsaful gfalao kanya fag ngay sakayan, laman ggubuk Sulumun at ngay taw.

2 Krunika 1:15

Ay gina Sulumun gfunan, ngay salapi ay gintu sis Erusalem, at kamafanudan kata way lang ngay gang, ay ngay kayu sidru ngayu kata ngay almuyu tagsis fun buksul.

2 Krunika 2:16

ay namuan ami am fagetun fag ngay kayu sas Lebanun. Ay namataladan ami kafag ngay kayu, ay namalimusan sabaliwas Upa. Ay nu ndasug ban sas Upa namuba ban am sas Erusalem.”

2 Krunika 9:22

Ay fagayu fun sas fagdaul daga we mafasud fun Sulumun at fagsafulun ay at fagmaramramanun.

Esra 3:7

Ngay taw Israel nafon salapi at famayad sa sangay tagfasine gang ay sa sangay takawat bale. Ay nafon yangay ngay fakonun, fanginum, ay bantika laman at fon sa sangay taw Sidun ay sa sangay taw Tiru, laman at famayad ngay kayu sidru tagsiginans Lebanun. Ay nafasakay kafag ngay kayu sa sangay sakayan lino ay nafadasug sas Upa. Ay Sirus, Persya at fun, naylat.

Ub 32:8

Dewa katanya, at matuyan, Dius at falad tagsis taw, kanya tua tagfon fagmatogdungugun.

Takamoyung 1:16

Ay glong au sa ku sadili te, “Ku fagsafulun gtungud tua fagayu at kinfunan sis Erusalem. Ku fagsafulun ngayu.”

Esekyel 27:17

“ ‘Ngay taw Uda ay ngay taw Israel nanamabangsi yangay sa emu ay kanya fagayu at famayad: trigu tagsiginans furuan Minit, at mafagongan fag rawvg, deut, langis, ay fanrarus fag famafia.

Fakamulun 12:20

Fun Erudes maksvn nu kauri ngay taw Tiru ay ngay taw Sidun. Nu katanya, kafag ngay taw kaylat namakamatoan laman nangasadi sa anya aroro kafag ngay taw at fagnamulan at fakonun sanya ginan wan. Dewa katanya, kafag ngay taw nanamagadgalangan yay taguna Blastu aroro kanya tagulit fun at bale daul.

Deuterunumyu 3:25

Nu katanya, aylati nu gdife au Liskung Urdan laman lumag au sanya fag daga at masine; at masine fag ngay buksul ay anggan Lebanun fag ngay buksul.”