1 Fun 22:53 - Fanawbuid tagsibaliwas Fakayabian

⁵³ Kanya nafauseganan sas Baal, ay nafadotama Yawi, Israel at Dius, kata at mama at nafakamulun.

1 Fun 22:53 ပူးပေါင်းရင်းမြစ်များ

Esekyel 8:3

Kanya nafalugde takata sik take ay nated ku buk. Sanya ginan, siginan sik taginfan, Dius at Falad nafabat angku sas kiwang ay nabuba sas furuan Erusalem, sabaliwas fawalan fag sakbawan alad sas Dius at bale, nu inda Dius at fakauriun fag fagsegan nu mafolian.

Isayas 65:3

Ku ngay taw nafadotama angku. Ay gfataglayun gfalag sa angku nu gseg at ngay fagsegan gina gfon at ngay fanggalangun si sangay tanuman, ay gina girug at ngay mabebanglu fag ngay lune sit ngay tungud bale.

Alubad. 106:29

Kanya fagayu nafadotama Dius siginan takatanya at nafakamulun, nu katanya, andasug sa anya fagayu sik faurianan maksvn.

2 Fun 3:2

Kanya mauri at nafakamulun sis Yawi at daga salubangan. Dewa katanya, wa kaksvn at mama ay at mina at nafakamulun mauri. Kanya narufa at mama at nafalindug fag gang famauseganan Baal.

2 Fun 1:2

Sik menit, sis furuan Samarya, Aasya antong siginan tiba tungud fag salug at ke balaba ay naslu. Nu katanya, kanya nasugu ngay tagfosuk longan sas Baal-Sebub, furuan Ekrun at fagsegan, laman nanginto te, o kafia yay ban at aslu.

1 Fun 21:29

“O nalag o Akab nu gfababaun sa angku? Aroro nafamababaun tua, kwa gfaurianan anya kaduge gleleg, nu bunway sa way ban at baguama, gina gfunan fag buknga.”

1 Fun 16:7

Ay sanya ginan, Yeu fag taglong, Kanani at baguama, nafoyung sik longan siginans Yawi sabaliwas Baasa ay at kalongan aroro siginans Baasa at ngay nafakamulun mauri sis Yawi at daga salubangan. Yawi andotama Baasa at ngay nafakamulun, ay anggan nu gfabul Erubuam at ngay kalongan fagayu. Nu katanya, Baasa at ngay kalongan ankamin yangay kata Erubuam at kalongan.

1 Fun 14:16

Ay Yawi ban gfabayan ngay taw Israel nu gababawan sat ngay fawayan aroro siginans Erubuam at ngay asalanan at nafae asalanan ngay taw Israel.”

1 Fun 21:25

We taw takaksvn Akab at nafakamulun nu mauri sis Yawi at daga salubangan aroro at mangena Esebel nafaylatan anya.

2 Fun 8:18

Kanya nafaning Israel at ngay fun at ugali, kata Akab fag talanan at nafakamulun, aroro kanya nabubay Akab at baguina. Euram nafakamulun at mauri sis Yawi at daga salubangan.

2 Krunika 20:35

Ay sa taguyan fun Eusafat nu gfunan sis talun Uda, ansadi way sas fun Aasya fag taw mauri.