1 Fun 2:3 - Fanawbuid tagsibaliwas Fakayabian

³ ay faningi Yawi am Dius at fakaylatun, siginan nu gbanwan o kata at balyawvtan, ay nu gfaning o at ngay suguan ay at ngay faugali ay at ngay fagaloan at marirukan sis Muisis at nariruk fag Faugali. Fakamuluni takatanya laman ban nusnga nday o, manabayan tuo.

1 Fun 2:3 ပူးပေါင်းရင်းမြစ်များ

2 Samwel 8:14

Ay kanya nafawat sik ngay fagmafulan sis fagdaul talun Edum laman sat ngay tagfawayan, ay nafagsuguan fagayu taw Edum. Dewa nday Dabid nu gfawayan, Yawi gfababo tua anya.

2 Samwel 8:6

Ay Dabid nafawat at fagmafulan sis Damasku, si sangay taw Aram at fagbanwanan. Ay Dabid nagbilug wan kafag furuan, ay sanya ginan, ngay taw Amur nu gfon at famayad sawas Dabid. Yawi nafababo Dabid sas fagayu at nafawayan.

1 Fun 3:3

Sulumun nafalag sas Yawi te, kesug anya, siginan nu gfaning at mama Dabid at ngay foyungan. Ay dewa katanya, nafon at ngay fanggalangun ay nanangirug yay ngay famaebebanglu fag lune sa sangay fagnansegan sa tangabat fag ngay buknga.

2 Fun 18:7

Yawi gufud anya, nu katanya fagayu at fakamulun anfasludan. Ay kanya nafamabo Asirya at fun ay wa nafaning.

1 Krunika 29:19

Ay gubuki yangay ku baguama Sulumun laman kaugat yay nu matuyan ay nu gfaning am ngay suguan, ay am ngay foyungan, ay am ngay faugali ay nu gfakamulun fagayu laman gfawat am Bale ku nafalganan.”

Alubad. 119:111

Am ngay foyungan ku fagagbilugun yud ban e fakatabuan, aroro tuy wan tagfon angku fagusegananun.

Alubad. 119:138

Am nafon sa emi fag ngay foyungan matuyan tua ay mafanud.

Alubad. 119:2

Mauseganan yangay sik taw tagalo tua Dius at ngay foyungan, ay tagugatan tua grvbvy Dius at fakaylatun.

Alubad. 19:7

Yawi at suguan matuyan tua. Ay at ngay foyungan mafanud, ay mafon fagsafulun sat yud e fagsafulun.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Lebitiku 8:35

Banwani ste, menit ay yabi, kaduge fituk menit, ay fakamuluni Yawi at suguan sa ayu laman diam kabul, aroro katanya wan Yawi at suguan angku ay fakamulun.”

Malakyas 4:4

“Faningi fia ku ngay suguan ku nafon sa ku fagsuguan Muisis. Nafon au anya kafag ngay suguan sis Buksul Sinay laman sa sangay taw Israel.

Deuterunumyu 29:8

Naago tam at talun ay nafon tam sas Rubin, ay sas Gad ay sas Manase fag wabilug kasugfunanan, laman at talun.

Deuterunumyu 29:9

Nu katanya, faningi fia fagayu suguan sis nasadian, laman ban masine tua fagayu ay fakamulun.

Deuterunumyu 4:1

Sanya ginan, Muisis nalong sa sangay taw Israel te, Dungugani ngay suguan ay ngay fagaloan ku fagnamoyungun ayu. Faningi ban tuy fag foyungan laman ban gleleg tuam ay mabanwan sis Yawi at nafon ayu fag daga. Yawi tam ngay mangaguyang at Dius.

Deuterunumyu 4:45

Sanya fag foyungan, sanya wan ngay famamatang, ngay suguan ay ngay faugali, Muisis at nalong sa anya fagayu gina glao siginans talun Igiptu,

Deuterunumyu 4:5

Nafoyung au sa ayu ngay suguan ay ngay fagaloan, Yawi ku Dius at nafoyung angku laman ay fagnangugaliun ban sa ay fagnangadasugan fag talun ay fagbanwanan.

Deuterunumyu 4:8

Ay we tibak taw at mabalyanan ke ngay suguan ay ke fagaloan kata ku foyungan ayu katsi.

Deuterunumyu 5:1

Muisis nafaful fagayu taw Israel ay nalong sa anya fagayu te, Ngay taw Israel, dungugani ngay suguan ay ngay faugali ku fagnamonun ayu katsi fag menit. Asafuli ay faningi tuy fagayu.

Uswe 22:5

Dewa katanya, lag am kalyam Muisis at nafon sa ayu fag ngay suguan ay fag ngay faugali. Esugi ay Dius Yawi, ay ugalii tua kata at balyawvtan, faningi at ngay suguan, ay matuyani tua gugat sa anya ay fauseganani anya sas fagdaul ay amatanganan.”

Uswe 23:6

“Faksvni ay amatanganan, ay faningi fia ngay suguan ay faugali sis Muisis at nariruk fag fafil. Lag am gsaruy.

1 Samwel 18:14

Dabid nafafasludan tua at ngay fakamulun aroro Yawi gufud tua anya.

1 Samwel 18:30

Ngay taw Israel ay ngay taw Filistia gawayan way gugat. Ay galay gfawayan, Dabid gbabo tua gtungud yap tua at ngay ibama tibak fun tagfawayan, Saul at ngay fagsuguan. Ay at ngayan andungug sas fagdaul talun.

1 Samwel 18:5

Kayu ginan Saul nasugu Dabid laman namawayan, kanya gbabo tua, nu katanya, Saul nafili anya sik fun tagfawayan. Ay fagayu taw ay anggan Saul at ngay tagfangguna naylat anya.