1 Fun 2:2 - Fanawbuid tagsibaliwas Fakayabian

² Glong te, “Gakabulun kwan, nu katanya, maksvni tua

1 Fun 2:2 ပူးပေါင်းရင်းမြစ်များ

2 Samwel 10:12

Fabitsugi ay amatanganan! Ay namawayan tam sas fagdaul tam fagmabitsugun laman sa tam ngay taw ay sa tam Dius at ngay furuan. Ay Yawi namakamulun nusnge wain at algan te, masine.”

2 Samwel 12:23

Dewa katanya, katsi ku ngenge anbul wan. Ay wain ro ku fagyudun gfangon laman gdarangin? O nunda ro mafaleleg kyay anya? Ay sa ban tibak buknga anggan au kadasug kyangay sat fakadasugan. Dewa katanya, kanya ban wa kafoli ya sa angku.”

1 Fun 3:7

Ay katsi, Yawi, ku Dius, au am fagsuguan at natubus ku mama Dabid laman sik fun, dewa au sik mabaguama yay ay kye fagsafulun.

1 Krunika 22:13

Ay nu nafafasludan tua ban o at ngay suguan ay at ngay faugali at nafon sa sangay taw Israel siginans Muisis, manabayan tua ban o gugat. Nu katanya, maksvni tua ay mabitsugi ay lag o kalimu ay kamomuy.

1 Krunika 22:16

at mawatan siginans gintu, salapi, tansu ay sanbung. Fasigadi wan nu gfawat o Yawi at bale, ay Yawi ban gufud emu.”

1 Krunika 28:10

Nu katanya, amatangani tua fia. Yawi nafili emu laman namawat at Bale laman ban sanya nu e nanseg anya. Maksvni tua ay fakamuluni fia tuy fag fakamulun.”

1 Krunika 28:20

Ay Dabid nalong yangay sat baguama Sulumun te, “Maksvni ay maseganamai. Fasigadi wan fawati. Lag o kalimu ay kamomuy, aroro Yawi, ku Dius galo emu. Kanya ban wa gubun ay wa gfabayan emu anggan antabu at bale.

Ub 16:22

Aroro waban ngayu yak banwa nu gleleg au ay sanya ginan glo kwan ay kwa ban kafoli ya.

Ub 30:23

Nasaful au te, gbuba o angku sat kinbul at talun sam nafalganan fag talun laman sas fagayu taw.

Alubad. 89:48

Sinu fag taw at yud kabul? O nunda e taw at masaruy fakabulun?

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

1 Kurintu 16:13

Mafalganani tua ay maksvni ay fagafanudun, magarasi tua ay mabakvdi.

Efesu 6:10

Ay sas fakatabuan ku longan, maksvni tua nu masadi am sa tam Fun ay siginan at fagmabalyananun at gubuk.

Deuterunumyu 31:23

Sanya ginan, Yawi nafili Uswe, Nun at baguama, ay nalong te, “Maksvni am amatanganan ay maseganamai, aroro o wan at nanfangguna ngay taw Israel sa ku nafatuyanan sa ayu fag talun, ay gufud kban emu.”

1 Timuteu 4:12

Dangay o e kafalingun siginan nu mabaguama yay o. Nu bunway ugatani laman sik fagfaningan tuo sas fagayu tagafanud, siginan am aringang, am ugali, am fakesugun, am fagafanudun ay am fagyudun e malong.

2 Timuteu 2:1

Ay o, ku sisian Timuteu, maksvni tua am amatanganan siginan tam Fun Isus at gubuk sa emu.

Ebreu 9:27

Ay Dius at ke algan te, ngay taw nu kabul sayginan way, ay sanya ginan nanginsaful at ngay nafakamulun.

Uswe 23:14

“Munakbang wan nu kabul au. Ay nasaful wam te, ay Dius Yawi nafafasludan tua fagayu at masine fag fakamulun kata at nafatuyanan sa ayu. Ay fagayu at nafatuyanan nafafasludan tua.