1 Fun 15:3 - Fanawbuid tagsibaliwas Fakayabian

³ Abya nafakamulun kata at mama at nafakamulun fag ngay asalanan. Ay wa namatuyan sas Yawi, ay kanya wa nafaning at mangaguyang Dabid.

1 Fun 15:3 ပူးပေါင်းရင်းမြစ်များ

1 Fun 11:33

Namakamulun au takatanya aroro kanya natalyuyan angku ay naseg Asturet, taw Sidun at fagsegan mangena, ay Kemus, taw Muab at fagsegan, ay Mulek, taw Amun at fagsegan. Wa nafaning angku ay wa nafakamulun at masine sa ku daga salubangan laman gfaning ku ngay suguan ay ku ngay faugali, kata at mama Dabid.

1 Fun 11:4

Sulumun nu mafufuama wan, at ngay mangena nataban anya laman nanseg tibak fagsegan, ay kanya wa nakata at mama Dabid at matuyan tua sat Dius Yawi, sas fagdaul at amatanganan.

1 Fun 15:14

Ay Asa deyud naiklas ngay fagnansegan sa tangabat fag ngay buknga, kaduge kanya gleleg matuyan tua gugat sas Yawi.

1 Fun 3:14

Ay nu gbanwan tua ban o kata ku balyawvtan, ay gfaning ku ngay suguan ay gfafasludan ku ngay longan kata am mama Dabid at nafakamulun, gfon kban emu tangaduge fag leleg.”

1 Fun 3:3

Sulumun nafalag sas Yawi te, kesug anya, siginan nu gfaning at mama Dabid at ngay foyungan. Ay dewa katanya, nafon at ngay fanggalangun ay nanangirug yay ngay famaebebanglu fag lune sa sangay fagnansegan sa tangabat fag ngay buknga.

2 Fun 20:3

“Yawi, amatangani tua ku ngay nafakamulun at matuyan ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

2 Krunika 25:2

Masine Amasya at nafakamulun sis Yawi at daga salubangan, dewa katanya, kanya wa fia nafaning Yawi.

Alubad. 119:80

Nafafaning ktua nangus am ngay foyungan, laman ban kdi kapla.

Deuterunumyu 17:20

Siginan kanya nu mafantap ngay suguan, kanya ban di kamatungudun sat kaiban fag ngay taw Israel, ay di ban kamabo Yawi at ngay suguan. Ay kanya ban nu gfaning tua gugat kanya fag ngay suguan, kanya ban ay anggan at ngay kasugfunanan ngaduge tua nu gfunan sis talun Israel.

1 Samwel 25:28

Falyami wan nu e nafakamulun kway sa emu at mauri, aroro nasaful au te, Yawi ban gfili emu laman sik fun, ay am ngay kasugfunanan tua ban gugat tagfunan, aroro gfawayan tuo laman sas Yawi. Wa ban nangus e kadasug sa emu at mauri kaduge o gleleg.