1 Fun 13:8 - Fanawbuid tagsibaliwas Fakayabian

⁸ Ay Dius at fagsuguan nalong sas fun te, “Dewa ro wo gfon sa angku sik wabilug am ramraman, kwa nangalo emu laman nanfangon ay nanginum ste fag talun.

1 Fun 13:8 ပူးပေါင်းရင်းမြစ်များ

1 Fun 13:9

Aroro Yawi nasugu angku te, lag au gfangon ay ginum ste, ay nu guli au, wa sa ya aro taw ku dalan.”

2 Fun 5:16

Ay Elisyu nabalus te, “Gfatuyanan au sas Yawi, tagleleg fag Dius ku fagfaningun te, kwa gbul nusnge wain am famonun.” Ay Naaman nafabulun te, “Dewa, aylati wan.” Dewa katanya, Elisyu wa naylat.

Alubad. 141:4

Fayayui angku siginan at mauri fag ngay fakamulun, ay siginan sangay taw tagfakamulun takatanya. Ay fayayui yangay angku siginan at ngay falganan fag ngay fakonun, laman kdi galoan.

Nu Galin 5:3

Muisis ay Arun gbalus te, “Ngay taw Israel at Dius ansure sa emi. Nu katanya, aylati nu glao ami kaduge tuluk menit sas talun at yud e taw laman namon ami fanggalangun ay nanseg ami Yawi em Dius, aroro nu dway ro mi nasanya, kanya gfabul emi siginans fakasaitun ay mannga sas awayan.”

Nu Galin 5:6

Ginanya fag menit, Igiptu at fun nasugu at ngay tagfafakamulun ay anggan yangay tagulit fag ngay taw Israel ay nalong te,

Nu Galin 7:2

Ay nanlong o sas Arun ku ngay nalong sa emu. Ay Arun ban at nanlong sas Igiptu at fun te, ‘Aylati wan ngay taw Israel nu glao siginan am talun.’

Tap 22:18

Dewa katanya, Balaam nabalus ngay tagfangguna te, “Balak ban dewa gfon sa angku at bale, at mapnu sanbung salapi ay gintu, kwa mafamabo Yawi ku Dius at suguan sa angku, dewa tagbia ay talay fag suguan.

Tap 22:8

Ay Balaam nalong sa sangay tagfangguna te, “Stei wan nu gtiug am katsi fag yabi, ay balabag ban, gfoyung au sa ayu Yawi at longan sa angku.” Nu katanya, Muab at ngay tagfangguna natiug yay sanya.

Tap 24:13

dewa ban o gfon sa angku am bale at mapnu sanbung salapi ay gintu, kwa mafafakamulun ku sadili fakaylatun, at masine ay at mauri. Ay nu nataw Yawi at foyungan sa angku, kanya way ku fagnanlongun sa emu.

Markus 6:11

Ay nusnga nday fag talun at ngay taw nu dway kaylat ayu, ay nu dway kaylat gdungugan ayu, nu glo am sanya ginan, fagfagi tagsi ay darafa fag lukbu, laman famasaful te, sanya fag ngay taw wa gfaning.”

Markus 6:23

Ay Erudes gfafanud te, “Nusnga seyu am fagetun, gfon au emu, dewa sik wabilug ku fagfunanun.”