1 Fun 1:9 - Fanawbuid tagsibaliwas Fakayabian

⁹ Sik menit, Adunya nasas gang Sukelet munakbang sis En-Rugel, ay nanangirug sanya at ngay fanggalangun tupa, baka ay at mafatagluan fia fag baka riangan, ay nafauro at ngay faduksay tiba Dabid at ngay baguama, ay fagayu tagfangguna sis Uda.

1 Fun 1:9 ပူးပေါင်းရင်းမြစ်များ

2 Samwel 17:17

Ginanya fag buknga, Yunatan, Abyatar at baguama ay Akimaas, Saduk at baguama gfanya sis En-Rugel, aroro kanya namatangan te, mae nalag anya nu gsakbo ay nu gduksun sas Erusalem. Nu katanya, nafasanya way lang sik mangena laman tagfasaful sas Dabid nusnga setaw takafasludan.

1 Fun 1:19

Kanya nafon at fanggalangun ngayuk tama baka, ay at mafatagluan fag riangan ay ngay tupa. Kanya nafauro fagayu am ngay baguama, ay nafauro yangay Abyatar fag tagfon fanggalangun, ay Uab fag fun tagfawayan. Dewa katanya, wa nafauro am fagsuguan Sulumun.

1 Fun 1:25

Katsi fag menit, Adunya girug ngay tama baka, ngay riangan ay at mafatagluan fag ngay tupa. Arvs fagayu wan am baguama, ay am ngay tagfawayan at fun, ay anggan tagfon fanggalangun Abyatar at nafauro sat fagmafulun. Ay katsi, kanya fagayu gfangon ay ginum. Ngay taw guro te, ‘Mabayan fun Adunya!’

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Mateu 22:4

Ay kafag fun nasugu yangay tibak fagsuguan te, ‘Longi sa ebi ku nagewan fag ngay taw te, Katsi wan. Nafalganan kwan ebi ku longan fag yafun. Nafilas kwan ku ngay baka ay ku ngay fagbaugun at mataglu. Wainyayam wan. Nafalganan kwan ngay fakonun laman sas fangadadwa.’

Uswe 15:7

Sanya ginan, at fatuan gtaglayun sas datag Akur anggan sas Debir, ay kabaraud sas fawalan fag alvngvdan tagsas Gilgal tagsalubang sas dalan tagundaud sas Adumim sabaliwas fasiunan fag alvngvdan liskung. Ay gfataglayun sas bulbug En-Semes ay gduksun sas En-Rugel.

Uswe 18:16

Ay gtagbung sas fun buksul tagsis aturunan datag Ben-Inum. Kanya fag datag sis wala fag alvngvdan datag Refaim. Sanya ginan, gtaglayun sas datag Inum, sas siun fag alvngvdan baliwa ngay taw Ebus at furuan ay gtaglayun yay sas En-Rugel.