1 Fun 1:52 - Fanawbuid tagsibaliwas Fakayabian

⁵² Sulumun nalong te, “Kanya ro nu matuyan tua fag taw, kwa ro gafaurianan. Dewa katanya, kanya ro nu mauri way, umbul ro.”

1 Fun 1:52 ပူးပေါင်းရင်းမြစ်များ

2 Samwel 14:11

Kanya fag fagbubayun nalong te, “Mesug fag fun, fatuyanani sam Dius Yawi te, wo kaylat nu e namasud ku baguama laman wa kaksvn at malong, ay laman ku baguama wa kabul.” Ay fun Dabid nabalus te, “Gfatuyanan au sas Yawi, tagleleg fag Dius te, wa ban e namaurianan am baguama.”

1 Fun 1:51

Ay e nalong sas Sulumun te, “Adunya kalimu emu, ay katsi gted fagirugan fanggalangun at ngay sunge ay glong te, ‘Katsi ro nangus fun Sulumun namatuyanan te, wa namabul angku, at fagsuguan.’ ”

1 Fun 1:53

Ay fun Sulumun nasugu laman nantaban Adunya, ay kanya natudan sas fun Sulumun at salubangan laman gsuyu. Ay Sulumun nalong anya te, “Ulii wan.”

Ub 15:22

Kanya kayudbak glao sasad dulum, aroro gamatangan te, e mafabul anya.

Fangatulun 13:6

At matuyan fag taw, mabayan tua, aroro at ugali matuyan, dewa katanya, at mauri fag taw, gafaurianan, aroro sat fagmauriun.

Fangatulun 21:12

Dius saful way taw mauri ay fagdaul at fagyafunan at ngay fakamulun, nu katanya, kanya ban namaurianan anya fagayu.

Mateu 10:30

Ay anggan ay buk, Dius natap wan.

Lukas 21:18

Dewa katanya, nusdi sadi ay buk di ban kagunut.

Fakamulun 27:34

Ay Pablu nalong sa sangay taw te, “Fangoni yap laman mabitsug tuam ay diam umbul. Di ban e kabul nusdi sadi si ayu.”

1 Samwel 14:45

Dewa katanya, ngay taw nalong sas Saul te, “Yunatan wan at nafababo antam, ay wain ro tam fagnamabulun anya? Wa masine! Gfatuyanan ami sas Yawi, tagleleg fag Dius te, di ro e kalyam nusdi sadi Yunatan at buk, aroro Dius nagubuk anya laman gbabo kata at nafakamulun.” Ay Saul wa nafabul Yunatan aroro ngay taw Israel nagubuk tua anya.