Mateu 6:12 - ciNyungwe Bibliya

¹² Tirekerereni bzakuphonya bzathu, ninga momwe ife timbalekererambo omwe ambatiphonyera.

Mateu 6:12 ပူးပေါင်းရင်းမြစ်များ

Ekisodo 34:7

Omwe ambawonesa lufoi lace kwa bzulu bza mibadwe ndipo ambalekerera bzakuipa, kusandukira na bzitazo. Na bzentsenebzi ambaleka lini kulanga omwe ana mulandu. Ambapasa nyathwa wana na azukulu thangwe ra kuphonyera Mulungu kwa azibaba wawo, mpaka m'badwe wa citatu (3) na wa cinai (4)”.

Mateu 26:28

Umweyu ni mulopa wangu wa cipangano, omwe un'dzataidwa thangwe ra azinji, kuti alekeleredwe bzakuphonyera Mulungu.

Mateu 9:2

Wanthu winango adam'bweresera munthu wakudjedjera bziwalo, akhadam'gonesa pa machira pace. Pakuwona cikhulupiriro comwe iwo akhanaco, Jezu adauza wakulemalayo kuti: “Limbika mwana, bzakuphonyera Mulungu bzako bzalekereredwa”.

Maliko 11:25

Ndipo mungafuna kupemba, cakutoma mulekerere mwandzanu penu munaye cinthu. Mungaterepo, Baba wanu omwe ali Kudzulu an'dzakulekelerani bzakuipa bzanu”.

Luka 11:4

Mutirekere bzakuipa bzathu, nakuti ifembo timbalekerera wentse wale omwe ambatiphonyera. Ndipo lekani kutileka ticigwa mukuyezedwa”.

Luka 13:4

Ayai imwepo mun'kumbuka kuti khumi na asere (18) wale omwe adafa, mwa kugweredwa na nyumba itali ya Silowe, akhali atazi kwene-kwene kuposa wanthu wentse anango wakukhala muJerusalema?

Luka 6:37

“Lekani kumbatongesa ndipo imwepo mun'dzatongesedwa lini. Lekani kupasa mulandu, ndipo mun'dzapasidwa lini mulandu, lekererani andzanu ndipo mun'dzalekereredwa.

Mabasa ya Atumiki 13:38

“Na tenepoyo, abale wangu, nin'funa kuti mudziwe kuti tiri kukupalidzirani kulekerera kwa bzakuphonyera Mulungu kucokera mwa Jezu.

aEfezo 1:7

Mwa Iye talomboledwa kucokera mwa mulopa wace, ndipo talekeleredwa bzakuipa bzathu, kudzera mwa udali wa nkhombo za Mulungu.

aEfezo 4:32

Khalani wabwino ndipombo wacifundo winango na mwandzace, mucimbalekererana, ninga momwe Mulungu adakulekererani mwa Krixtu.

aKolose 3:13

Piririranani wina na mwan'dzace ndipo lekereranani mathangwe yomwe mungakhale nayo wina na mwan'dzace. Lekereranani ninga Mbuya adakulekererani.