Mateu 24:21 - ciNyungwe Bibliya

²¹ Thangwe kun'dzawoneka bvuto likulu, mwakuti likanati kuwoneka kale kuyambira cirengedwe ca dziko mpaka lero, ndipo yan'dzawoneka lini pomwe cipo.

Mateu 24:21 ပူးပေါင်းရင်းမြစ်များ

Mateu 24:20

Mupembe kuti bzimwebzi bzidzaleke kucitika panthawe ya mphepo ayai ntsiku ya malinkhuma.

Mateu 24:29

“Zikadzatondokumala ntsiku za kubonerazo, “ ‘Dzuwa lin'dzacita m'dima, mwezi un'dzabvunika lini, nyenyezi zin'dzagwa kudzulu ndipo mphambvu za kudzulu zin'dzatekenyesedwa’ ”.

Maliko 13:9

“Cenjerani! Wanthu an'dzakuperekani kumbuto za kutongera mirandu, ndipo an'dzakuchangani m'nyumba zamapemphero. Mun'dzawonekera kwa atongi na kwa azimambo thangwe ra Ine kuti mukandicitire umboni.

Luka 21:24

Ndipo azinji an'dzaphedwa na bzisenga ndipo an'dzatengedwa ninga anyagirinya wa madziko yentse. Jerusalema an'dzapondedwa na wanthu omwe ni aJuda lini, mpaka kudzamala kwa nthawe ya wanthuwo.

1 aTesalonika 2:16

mpaka adafika pakutichinjiridza kuti tireke kupalidzira omwe ni wakusaya kupemba mafala yakuti apulumuke. Na tenepo, ambapitiriza kuthimizira bzitazo bzawo. Tsono ulendo buno ukali bwa Mulungu bwawagwera.

Cidziwiso 16:18

Ndipo padawoneka ciphaliwali, muwira, kugunda na kutekenyeka kukulu. Kuyambira pomwe munthu adalengedwa pa dziko la pantsi, pakanati kuwoneka kutekenyeka kukulu ninga kumweku cipo.

Cidziwiso 7:14

Ndidatawira kuti: “Mbuya, imwe mun'dziwa”. Ndipo Iye adati: “Amwewa ndiwo adacokera kumabvuto makulu ndipo adafula bzakubvala bzawo acibzicenesa na mulopa wa Bira.