Mateu 2:6 - ciNyungwe Bibliya

⁶ “ ‘Iwe Belee wa dziko la Juda, ndiwe lini m'ng'ono na pang'onopo pakati pa mizinda mikulu ya Juda. Nakuti mwa iwe mun'dzacoka m'tsogoleri wakudzawusa aIjirayeri mbumba yangu’”.

Mateu 2:6 ပူးပေါင်းရင်းမြစ်များ

Jenesisi 49:10

Mpsimbo yaufumu in'dzacoka lini mwa Juda, ngakhale utongi wa bzizukulu bzako, mpaka kubwera kwa mwenekaciro caiye, ndipo madziko yentse yan'dzamubvera.

Mateu 2:1

Jezu adabadwa mumzinda wa Belee cigawo ca Judeya, nthawe ya mambo Herodi. Jezu atabadwa, adziwi wa bzacirengedwe wa kumabvadzuwa adafika kuJerusalema,

Mateu 28:18

Pamwepo, Jezu adafendera pafupi na iwo aciti: “Ndidapasidwa mphambvu zentse kudzulu na pantsi.

Juwau 21:16

Jezu adabvundza pomwe kaciwiri kuti: “Simau, mwana wa Juwau, umbandifuna ine?” Iye adati: “Inde Mbuya, mun'dziwa kuti nimbakufunani”. Jezu adamuuza kuti: “Wusa mabira yangu”.

Juwau 7:42

Bzakunemba bzirikulewa lini kuti Krixtu an'dzacokera ku dzindza la Davide, m'mudzi wa Belee omwe ukhali wa Davidi?”

aEfezo 1:22

Mulungu adaikha bzinthu bzentse pantsi pa ndzayo zace, ndipo adamuikha kuti akhale msolo wa bzinthu bzentse kuna gereja,

aKolose 1:18

Iye ni msolo wa thupi, lomwe ni gereja. Ndiye kuyamba ndipo Mwana wakuyamba wakucokera kwa wakufa, kuti pa bzentse akhale mkulu wakuposa.

aHeberi 7:14

Nakuti ni bzakudziwika kuti Mbuya wathu ni wa dzindza la Juda, dzindza lomwe Mozeji alibe kulewa bza unyantsembe.

Cidziwiso 11:15

Anju wacinomwe adaliza cimbututu cace ndipo kudzulu kudabveka mafala yamphambvu yakhambati: “Umambo bwa dziko la pantsi wasanduka bwa mbuya wathu na bwa Krixtu wace, ndipo Iye an'dzatonga kwakusaya kumala”.

Cidziwiso 2:27

“ ‘Iye an'dzayatonga na mpsimbo ya utale, ndipo an'dzayaphwanya ninga combo ca dongo’ ”.

Cidziwiso 7:17

nakuti Bira omwe ali pakati pa mpando wa umambo an'dzakhala M'busa wawo, Iye an'dzawatsogolera kuntsantsa za madzi yamoyo. Ndipo Mulungu an'dzapukusa misozi yentse m'maso mwawo”.