Mateu 13:15 - ciNyungwe Bibliya

¹⁵ Pakuti m'tima wa mbumba imweyi wakhala wakuumisidwa. Mwakusaya kufuna adabva na makutu yawo ndipo adafunga maso yawo, kuti aleke kuwona pomwe na maso, ngakhale kubva na makutu, kuti aleke kubvesesa na m'tima, acitendeuka, ndipo Ine ningadawaciza’.

Mateu 13:15 ပူးပေါင်းရင်းမြစ်များ

Maliko 4:12

kuti: “ ‘Kuyang'ana ayang'ane, tsono acisaya kuwona cinthu, ndipo kubva abve cadidi, tsono acisaya kubva cinthu, mwanjira inango, kuti angasandulike m'tima ndipo Mulungu angadzawalekerere!’”

aHeberi 5:11

Pankhani imweyi, tina bzizinji bzakulewa, bzinthu bzakunesa kufotokoza, thangwe imwepo mudakhala wakuuma msolo.

2 Timoti 4:4

Iwo an'dzalamba kubva cadidi, acidzatewera bzindzano.

Mabasa ya Atumiki 7:57

Tsono iwo adafunga makutu ndipo adakuwa mwamphambvu, wentse adamukutira,

Cidziwiso 22:2

pakati pa mseu ukulu wa mzinda. Ng'ambu na ng'ambu ya mkulo kukhana muti wa moyo, omwe umbabala khumi na kawiri pa gole, kabodzi pa mwezi. Masamba ya mutiwo yambaphatisidwa basa lakulimbisa madziko.

Mabasa ya Atumiki 3:19

Ndipo bwekani mubwerere kuna Mulungu, kuti bzakuphonyera Mulungu bzanu bzicosedwe,

Luka 19:42

ndipo adati: “Iwepo ungadadziwa lero kuti ni ciyani cingakupase mtendere! Tsono tsapano lino cidabisika ciniwoneka lini na maso yako.

Mabasa ya Atumiki 28:27

Pakuti m'tima wa mbumba imweyi wakhala wakuumisidwa. Mwakusaya kufuna adabva na makutu yawo, ndipo adafunga maso. Bzingadaleka kucitika terepoyo kuti aleke kuwona pomwe na maso, ngakhale kubva na makutu, kuti aleke kubvesesa na m'tima acitendeuka, ndipo Ine ningadawaciza’.