Luka 8:5 - ciNyungwe Bibliya

⁵ “Mulimi adayenda kukabzala. Pomwe iye akhabzala, mbeu inango idagwera m'phepete mwa njira. Idapondedwa, ndipo mbalame za kudzulu zidaidya.

Luka 8:5 ပူးပေါင်းရင်းမြစ်များ

Jenesisi 15:11

Nyenga-nyenga zidayamba kumbambutha pa nyama, tsono Abrahamu adazithamangisa.

Mateu 13:37

Iye adatawira kuti: “Ule omwe adabzala mbeu yabwino ni Mwana wa munthu.

Mateu 5:13

“Imwepo ndimwe munyu wa dziko la pantsi. Tsono munyu ungamala mphambvu, ungabwezeredwe tani mphambvu yace? Ulibe pomwe basa, kwasala nkhuutaya kunja ucipondedwa na wanthu.

Maliko 4:15

Mbeu zakugwera munjira zire bziri kulewa wanthu omwe ambabva mafala ya Mulungu. Tsono nthawe yomweyo Sathani ambabwera, acicosa mafala yale.

Luka 8:4

Mthithi ukulu wa wanthu udakonkhana ndipo wanthu wa m'mizinda yentse akhabwera kuna Jezu. Iye adalewa m'fananizo adati:

Luka 8:6

Ndipo mbeu inango idagwera paminyala, pomwe idamera miti yace idauma thangwe lakusaya m'nyontho.

aHeberi 2:1

Na tenepo, bzin'funika kuti tikhale na cheru kwene-kwene na bzomwe timbabva kuti tireke kutayika.