Luka 6:25 - ciNyungwe Bibliya

²⁵ Tsoka kuna imwe, omwe tsapano-lino muna bzentse, nakuti mun'dzabva njala. Tsoka kuna imwe omwe tsapano-lino muli kuseka, nakuti mun'dzadandaula mucilira.

Luka 6:25 ပူးပေါင်းရင်းမြစ်များ

Luka 12:20

“Tsono Mulungu adamuuza kuti: ‘Nandi wakusaya ndzeruwe! Usiku buno-letu moyo wako unimala. Tsono mbani an'sala na bzinthu bzomwe udakoyabzi?’

Luka 13:28

“Pamwepo pan'dzawoneka kulira na kukukuta mano, pomwe mukadzawona Abrahamu, Izaki, Jakobo na apolofita wentse ali muUmambo bwa Mulungu, tsono imwepo mun'dzathusidwa kunja.

Luka 6:24

“Tsono tsoka kuna imwe anyakudala, nakuti mwatambira kale mabai-bai yanu.

Luka 6:26

Tsoka kuna imwe, pomwe wentse an'dzalewa ubwino bwanu, nakuti tenepoyo makholo yawo adacitambo kuna apolofita wakunama.

Luka 8:53

Wanthu wentse adamuseka, nakuti akhadziwa kuti mwanayo wafa.

aEfezo 5:4

Lekani kulewa bza maika, nkhani zakusaya basa ngakhale bzakumpfendu, bzomwe n'bzakuthemera lini, tsono pambuto ya bzobzi mutende.

1 aTesalonika 5:3

Wanthu akambadzalewa kuti: “Mtendere na mkhomeko”, cakudzonga cin'dzabwera kuna iwo mwacisututu, ninga momwe mkazi wakufuna kubala ambayamba kuwawidwa. Ndipo an'dzakwanisa lini kuthawa na pang'onopo.

Tiyago 4:9

Sunamani, dandaulani ndipo lirani. Cinjani kuseka kukhale kulira ndipo kukondwa kukhale kusunama.

Cidziwiso 3:17

Imwepo mumbati: ‘Ndine nyakudala, ndina cuma ndipo palibe cinango comwe nin'funa’. Mun'dziwa lini kuti ndimwe wakubonera, wakuthemera kubveredwa ntsisi, wakusauka, azimola ndipo muli pezi.