Luka 4:18 - ciNyungwe Bibliya

¹⁸ “Mzimu wa Mbuya uli pana ine, thangwe Iye wandidzoza kuti ndipalidze mafala yabwino kuna wakusauka. Iye adandituma kuti ndidziwise kutsudzulidwa kuna anyakumangidwa ndipo kuwona kwa azimola, kudzatsudzula wakupondereredwa,

Luka 4:18 ပူးပေါင်းရင်းမြစ်များ

Jenesisi 3:15

Ndin'dzaikha udani pakati pa iwe na mkazi, pan'dzakhala udani pakati pa wana wako na wana wace. An'dzaswa msolo wako ndipombo iwe un'dzaluma katende wace”.

Mateu 11:5

Azimola ali kuwona, wakupunduka alikufamba, wamapere ali kupolesedwa, nkhuthu zirikubva, wakufa ali kulamusidwa, ndipo wakusauka alikupalidziridwa Mafala Yabwino.

Mateu 12:18

“Onani m'tumiki wangu, omwe ndasankhula, omwe nimbafuna, omwe m'tima wangu umbakondwera naye. Nin'dzaikha mwa iye Mzimu, wangu, ndipo iye an'dzapalidza cirungamo kuna mbumba zentse.

Mateu 12:20

An'dzagwata lini mtete wakuchoka, napo kuthima lambi lakugaka pang'ono, mpaka cirungamo cikunde.

Mateu 4:16

Mbumba yomwe ikhakhala mum'dima idawona ceza cikulu, na omwe akhakhala m'mbuto ya mdima wa impfa ceza cidawatoya”.

Mateu 5:3

“Mbakudalisidwa omwe ni wakusauka mum'zimu, nakuti Umambo bwa kudzulu ni bwawo.

Luka 4:17

Pamwepo adapasidwa livu la mpolofita Izaiya, adafungula acigumana mbuto yomwe ikhadanemba kuti:

Luka 6:20

Pamwepo Iye adanyang'ana ateweri wace, aciti: “Wakusimbidwa ndimwe, wakusauka, nakuti ni bwanu Umambo bwa Mulungu.

Luka 7:22

Ndipo Iye adawatawira aciti: “Bwererani mukauze Juwau bzomwe mwawona na kubva kuti: Azimola alikuwona, wakulemala alikufamba, wamapere alikupolesedwa, nkhuthwi zirikubva, wakufa alikulamusidwa ndipo mafala yabwino yalikupalidzidwa kwa wakusauka.

Juwau 1:41

Iye pakutoma adagumana Simau mbale wace, acimuuza aciti: “Ndagumana Mesiya!” (Mesiya bzicilewa kuti Krixtu.)

Juwau 12:46

Ine ndine ceza ndidabwera pa dziko, kuti wentse ule omwe an'khulupirira Ine, aleke kukhala mu mdima.

Juwau 3:34

Omwe antumidwa na Mulungu ambalewa mafala ya Mulungu thangwe ambam'pasa mzimu wace wentse mwakusaya mphimo.

Mabasa ya Atumiki 10:38

na momwe Mulungu adadzozera Jezu wa kuNazareta na Mzimu Wakucena na mphambvu, ndipo Iye adafamba m'mbuto zentse acimbacita ubwino na kupolesa wentse wakupundizidwa na Dyabu, thangwe Mulungu akhali na Iye.

Mabasa ya Atumiki 26:18

kuti ukawafungule maso acitendeuka kucoka kum'dima kuyenda kuceza, na m'manja mwa Sathani kuyenda kuna Mulungu, kuti akatambire kulekereredwa kwa kuphonyera Mulungu na utaka pakati pa wakupambulidwa kucokera kucikhulupiriro mwa Ine’.

Mabasa ya Atumiki 4:26

Azimambo wa dziko la pantsi ambamukira, ndipo atongi ambkoncezana kuti asandukire Mbuya ndipo sadusire wakudzozedwa wace’.

Mabasa ya Atumiki 4:27

Cadidi, Herodi na Pontsiyu Pirato adakoncezana na omwe ni aJuda lini na mbumba ya Ijirayeri mum'zinda muno, kuti acite cakuipa kuna Wakutumikira wanu Wakupambulidwa Jezu, omwe mudadzoza kuti akhale Mesiya.

aKolose 1:13

Nakuti Iye adatitsudzula kumphambvu ya mdima ndipo adatibweresa ku Umambo bwa Mwana wace wakufunika,

Tiyago 2:5

Tetekerani, abale wangu wakufunidwa! Kodi Mulungu alibe kusankhula omwe ambawonedwa na dziko kuti ni wakusauka, kuti akhale nyakudala mucikhulupiriro ndipo atambire umambo bomwe Iye adapicira kwa wale omwe ambafuna?

1 Pedru 2:9

Tsono imwepo ndimwe dzindza lakusankhulidwa, anyantsembe wa umambo, dziko lakucena, mbumba ya Mulungu yekha, kuti mukapalidze bza ukulu bwa Ule omwe adakucemerani kucokera kumdima kubwera kuceza cace cakudabwisa.