Luka 2:11 - ciNyungwe Bibliya

¹¹ Nakuti lero lino kumzinda wa Davide, kwabadwa mpulumusi omwe ni Krixtu, Mbuya.

Luka 2:11 ပူးပေါင်းရင်းမြစ်များ

Jenesisi 3:15

Ndin'dzaikha udani pakati pa iwe na mkazi, pan'dzakhala udani pakati pa wana wako na wana wace. An'dzaswa msolo wako ndipombo iwe un'dzaluma katende wace”.

Jenesisi 49:10

Mpsimbo yaufumu in'dzacoka lini mwa Juda, ngakhale utongi wa bzizukulu bzako, mpaka kubwera kwa mwenekaciro caiye, ndipo madziko yentse yan'dzamubvera.

Mateu 1:16

Jakobo adabereka Zuze, mwamuna wa Maliya, omwe adabala Jezu, omwe an'cemeredwa Krixtu.

Mateu 1:21

Iye an'dzabala mwana wa mwamuna ndipo iwepo un'dzam'pasa dzina lakuti Jezu, thangwe Iye an'dzapulumusa mbumba yace mubzakuphonyera Mulungu bzawo”.

Mateu 16:16

Simau Pedru adatawira kuti: “Imwe ndimwe Krixtu Mwana wa Mulungu wa moyo”.

Mateu 16:20

Pamwepo adauza wakupfundzira wace kuti aleke kauza winango kuti Iye ni Krixtu.

Luka 1:43

Tsono ndine yani ine kuti mayi wa Mbuya wangu adzandizungire?

Luka 1:69

Iye adabweresa cipulumuso cakulimba kuna ife, ku dzindza la mtumiki wace Davidi,

Luka 2:26

Akhadadziwisidwa na Mzimu Wakucena kuti iye an'dzafa lini akanati kuwona Krixtu wa Mbuya.

Luka 2:4

Ndipombo Zuze adacoka kumzinda wa Nazareta, cigawo ca Galireya, acikwira ku Judeya mzinda wa Davidi, wakucemeredwa Belee, nakuti akhali wa nyumba na dzindza la Davide,

Juwau 1:41

Iye pakutoma adagumana Simau mbale wace, acimuuza aciti: “Ndagumana Mesiya!” (Mesiya bzicilewa kuti Krixtu.)

Juwau 1:45

Pomwe Filipi adagumana na Natanyeri adamuuza kuti: “Tidagumana naye ule omwe adanembedwa mu livu la Mtemo lomwe Mozeji adanemba, na lomwe mapolofita adanembambo. Ndiye Jezu wa kuNazareta, mwana wa Zuze”.

Juwau 11:27

Iye adati: “Inde Mbuya, ndinkhulupirira kuti imwe ndimwe Krixtu, Mwana wa Mulungu, omwe akhadikhiridwa pa dziko la pansi”.

Juwau 20:31

Tsono ibzi bzidanembedwa kuti mukhulupirire kuti Jezu ni Krixtu, Mwana wa Mulungu, ndipo kuti mungam'khulupirira mukhale na moyo m'dzina lace.

Juwau 4:25

Pamwepo mkazi adalewa aciti: “Ndin'dziwa kuti Mesiya, (An'cemeredwa Krixtu,) ali kubwera. Angadzabwera, an'dzatidziwisa bzentse”.

Juwau 4:42

Ndipo wakhambamuuza mkaziyo aciti: “Takhulupirira tsapano ni thangwe rini ra kulewa kwako kokha. Ife-pano tabva tekha ndipo tadziwa kuti iye ndiye cadidi mpulumusi wa dziko”.

Juwau 6:69

Ife tin'khulupirira ndipo tin'dziwa kuti ndiwe Wakucena wa Mulungu”.

Juwau 7:41

Anango akhalewa kuti: “Umweyu ni Krixtu”. Tsono anango akhati: “Krixtu an'dzacokera ku Galireya?

Mabasa ya Atumiki 10:36

Imwepo mun'dziwa fala lakutumizidwa na Mulungu kuna mbumba ya Ijirayeri, lomwe limbalewa bza mafala yabwino ya m'tendere kudzera mwa Jezu Krixtu, omwe ni Mbuya wa wentse.

Mabasa ya Atumiki 13:23

“Mudzindza la Davidiyo, Mulungu adabweresa kuna aIjirayeri M'pulumusi Jezu, malingana na cipiciro comwe akhadacita.

Mabasa ya Atumiki 17:3

acimbawauza na kutsimikiza kuti bzikhafunika kuti aboneresedwe ndipo alamusidwe kwa wakufa. Ndipo akhambati: “Jezu umweyo omwe ndiri kufotokoza ndiye Krixtu”.

Mabasa ya Atumiki 2:36

“Na tenepo, mbumba yentse ya Ijirayeri idziwisise kuti Jezu umweyo omwe imwepo mudakhomerera pantanda, Mulungu adamucita Mbuya na Krixtu”.

Mabasa ya Atumiki 5:31

Mulungu adam'kuza acimuikha kuboko lace ladidi ninga M'tsogoleri na Mpulumusi, kuti apase Ijirayeri mpata wa kubweka na kulekereredwa bzakuphonyera Mulungu.

1 aKolinto 15:47

Munthu wakuyamba akhali wakucokera kupfumbi la pantsi, munthu waciwiri ni wakudzulu.

aFiripi 2:11

ndipo kuti malirime yentse yadzapereke umboni kuti Jezu Krixtu ni Mbuya, kuti Mulungu Baba apasidwe mbiri.

aFiripi 3:8

Kuposa bzimwebzi, nimbayesa bzentse ninga kuluza, ndikabzilinganiza na nkhombo zikulu kwene-kwene za kudziwa Jezu Krixtu, Mbuya wangu. Nakuti thangwe la Iye ndidaluza bzinthu bzentse, ndipo ine ndimbabziyesa ninga bzakusaya basa, kuti ndikwanise kuwina Krixtu

aKolose 2:6

Tenepayu ninga imwe mudatambira Krixtu Jezu acikhala Mbuya wanu, pitirizani kukhala muna Iye,

1 Juwau 4:14

Ndipo tidawona ticikhala mboni kuti Baba adatumiza Mwana wace kuti akhale mpulumusi wa dziko la pantsi.

1 Juwau 5:1

Wentse ule omwe an'tawira kuti Jezu ni Krixtu ni wakubadwa mwa Mulungu, ndipo wentse ule omwe ana lufoi na Baba ana lufoimbo na omwe ni wakubadwa mwa babayo.