Luka 13:17 - ciNyungwe Bibliya

¹⁷ Pomwe iye adamala kulewa bzimwebzo anyakumuwenga wentse adanyala, tsono mbumba ikhakondwa na bzidabwiso bzentse bzomwe Jezu akhacita.

Luka 13:17 ပူးပေါင်းရင်းမြစ်များ

Ekisodo 15:11

“Mbani pakati pa mirungu adalinganira na imwe, Mbuya? Mbani adalinganira na imwe, wakulemekezedwa mwa kucena, wakugosva thangwe ra mabasa yanu ya ulemerero ndipo yakudabwisa, omwe ambakondza bzidabwiso?

Luka 14:6

Ndipo iwo alibe kutawira cinthu.

Luka 18:43

Panthawe imweyo-letu, iye adapenya, ndipo adatewera Jezu acimbakuza Mulungu. Pomwe mbumba yentse idawona bzimwebzo, idatumbiza Mulungu.

Luka 19:48

Tsono iwo akhakwanisa lini kuwona mpata wakuti abzicite bzimwebzo, thangwe mbumba yentse yomwe akhamubva, ikhatengeka mitima na mafala yaceyo.

Luka 20:40

Na tenepo, palibe kuwoneka winango wakumubvundza pomwe.

Mabasa ya Atumiki 4:21

Ndipo atamala kuwagosva pomwe, iwo adawaleka aciyenda. Alibe kuwona njira ya kuwapasira nyathwa, sabwa mbumba yentse ikhapasa mbiri Mulungu na bzomwe bzidacitika.

2 Timoti 3:9

Tsono iwo aniyenda lini kutsogolo. Thangwe udzenga bwawo bun'dzawoneka kuna wentse, ninga bzidacitikambo kuna Janesi na Jambulesi.

Titu 2:8

Fala lako likhale la cadidi kuti wanthu adzaleke kucita makani. Na tenepo wakucita makani nawe an'dzabva manyazi, akasaya cinthu cakuipa kuti atinamizire mulandu.

1 Pedru 3:16

Tsono, citani bzimwebzi mwakubzicepesa na mwakugopa Mulungu, mucikhala mulibe cinthu cakukugazani mum'tima, mwakuti omwe ambalewa bzakuipa cipande ca macitidwe yabwino ya imwe muli muna Krixtu, akhale na manyazi na magunkha yawo.