Luka 11:27 - ciNyungwe Bibliya

²⁷ Pomwe Jezu akhalewa bzimwebzo, mkazi m'bodzi adakuwa pakati pamthithi wa wanthu aciti: “Wakusimbidwa ni mkazi omwe adakubala na kukumamisa”.

Luka 11:27 ပူးပေါင်းရင်းမြစ်များ

Luka 1:28

Anju ule adafendera pana Maliya ndipo adati: “Kondwera, wapasidwa nkhombo! Mbuya ali na iwepo!”

Luka 1:42

Adakuwa aciti: “Wakusimbidwa ndiwe pakati pa akazi, ndipo wakusimbidwa ni mwana omwe iwepo un'dzabala!

Luka 1:48

Thangwe iye wawona kubzicesva kwa nyagirinya wace. Kuyambira tsapano kuyenda kutsogolo, mibadwe yentse in'dzandicemera wakusimbidwa,

Luka 11:26

Pamwepo umbayenda ndipo umbakatenga mizimu inango minomwe yakuipa kuposa iwo, ndipo ikapita imbakhaliratu m'mwemo. Ndipo khalidwe la munthu ule limbadzalemwa kuipa kuposa pakuyamba”.

Luka 23:29

Nakuti ntsiku zidzafika zakuti imwepo mun'dzalewa kuti: ‘Wakusimbidwa ni omwe anibala lini, na nthumbo zomwe zikanati kubala ndipo na masuku yomwe yakanati kumamisa!’