Jenesisi 42:10 - ciNyungwe Bibliya

¹⁰ Iwo wale adatawira kuti: “Ayai mbuya wathu, ife wakumtumikira wanu tabwera kuti tidzagule cakudya basi.

Jenesisi 42:10 ပူးပေါင်းရင်းမြစ်များ

Jenesisi 27:29

Wanthu ambakutumikire, mitundu ya wanthu ikugodamire. Ukhale wakutonga pakati pa abale wako, bzizukulu bza mai wako bzimbakugodamire. Atembereredwe wentse wakukutemberera, tsono adalisidwe wentse wakukudalisa”.

Jenesisi 27:37

Izaki adatawira Izauyo kuti: “Ndamudalisa kale umweyo kuti akhale wakutonga iwe, ndipo abale wace wentse ndawasandusa anyagrinya wace. Ndampasa bzakudya na bzakumwa bzace. Kodi tsapano casalambo n'ciyani cakuti ndikucitire iwe mwanangu?”

Jenesisi 37:8

Pamwepo abale wacewo adamubvundza kuti: “Kodi ulikukumbuka kuti un'dzakhala mambo wathu? Kodi iwepo un'dzatitonga ife?” Na tenepo adawengana naye kwakupitirira kale thangwe la matuloyo na mafala yaceyo.

Jenesisi 42:11

Tentsenefe ndife wana wa Jakobo. Ndife wanthu wakulungama, ndife lini wakuyendeza, mbuya wathu,”.

Jenesisi 44:9

Mwa anyagrinya wako, omwe an'gumanidwa na mkomboyo afe, ndipo ife tentse tin'dzakhala anyagrinya wako, mbuya!”