Jenesisi 3:20 - ciNyungwe Bibliya

²⁰ Adamu adapasa mkazi wace dzina lakuti Yeva, thangwe lakuti iye angadadzakhala mayi wa nthundu wentse wa wanthu.

Jenesisi 3:20 ပူးပေါင်းရင်းမြစ်များ

Jenesisi 16:11

Pakupitiriza na mafala, anju wa Mbuya adati: “Iwe unapathupi ndipo un'dzakhala na mwana wacimuna, omwe un'dzapasa dzina lakuti Jumaere, thangwe Mbuya wabva kubonera kwako.

Jenesisi 2:20

Adamu adapasa madzina bzifuwo bzense, mbalame za mudzulu na bzinyama bzense bzamuthengo. Pa bzensebzi alibe kuwona comwe cingadathandiza muthu napo kubverana naye.

Jenesisi 2:23

Mwamuna adati: “Uyu ni cadidi pfupa la mapfupa yangu, ndipo nyama ya nyama yangu. An'dzacemeredwa mkazi thangwe acokera kwa mamuna”.

Jenesisi 3:21

Mbuya Mulungu adakondza bzakubvala bza khanda aciwabvazika Adamu na mkazi wace.

Jenesisi 35:18

Ndipo Rakeli ali pafupi kufa, acimalizika, adamucemera mwanayo Benoni, tsono baba wace adamucemera Benjamini.

Jenesisi 5:29

Adamupasa dzina lakuti Nowa ndipo adati: “Iye an'dzatithandisa pa basa lathu na pakubonera kwa manja yathu, kucokera pamataka yomwe Mbuya adatemberera”.

Ekisodo 2:10

Mwanayo atakula, iye adakam'pereka kwa mwana wa Falau, ndipo iye adamuyanya ninga mwana wace acim'pasa dzina lakuti Mozeji, ndipo adati: “Thangwe ndidam'cosa mumadzi”.

Mateu 1:21

Iye an'dzabala mwana wa mwamuna ndipo iwepo un'dzam'pasa dzina lakuti Jezu, thangwe Iye an'dzapulumusa mbumba yace mubzakuphonyera Mulungu bzawo”.

Mateu 1:23

“Dende lin'dzakhala na mimba ndipo lin'dzabala mwana wa cimuna omwe mun'dzamucemera Emanuweri”, bzomwe bzinirewa: “Mulungu ali nafe”.

Mabasa ya Atumiki 17:26

Mwa m'bodzi yekha adalenga mbumba zentse kuti zikhale padziko lentse la pantsi, atakhazikisa kale nthawe yakulewengeka na malire ya pakukhala pawo.

2 aKolinto 11:3

Ndirikutsitsimwa kuti, ninga nyoka idapumpsa Eva na kucenjera kwayene, ndzeru zanu zingakhale zakuipisidwa, mucisiya kupemba kwanu kwacadidi na kwakucena kuna Krixtu.

1 Timoti 2:13

Thangwe Adamu ndiye adayamba kulengedwa, patsogolo pace Eva.