Jenesisi 16:2 - ciNyungwe Bibliya

² Sarai adauza Abrahamu kuti: “Pakuti Mbuya adandiletsa kubala wana, tenga kapolo wangu, pinango ine ningakhale na mbumba kucokera kuna iye?” Abrahamu adabvuma mafala ya Sarai.

Jenesisi 16:2 ပူးပေါင်းရင်းမြစ်များ

Jenesisi 11:30

Tsono Sarai akhalibe wana, thangwe akhabala lini.

Jenesisi 17:16

Thangwe ine ndin'dzam'dalisa, acidzakubalira mwana wa mwamuna. Ndin'dzam'dalisa pomwe acidzakhala mai wa madzindza ya wanthu. Pakati pa bzizukulu bzace pan'dzacoka azimambo”.

Jenesisi 18:10

M'bodzi wa iwo adati: “Ndiri kukupicira kuti pakapita minyezi mipfemba ndin'dzabwera pomwe, ndipo mkazi wako an'dzakhala ana mwana wa mwamuna”. Sara akhandobzibva ali kuseri kwa msuwo wa cikumbi.

Jenesisi 19:31

Mwana wace mkulu adauza mng'ono kuti: “Baba wathuwa wali kukalamba tsapano, ndipo palibe munthu na m'bodziyo omwe wakuti angatilowole padziko lino, kuti tibereke wana ninga momwe bzimbacitikira padziko la pantsi.

Jenesisi 20:18

Thangwe ra Sara, mkazi wa Abrahamu, Mbuya akhadawafunga nthumbo akazi wentse wa banja la Abimeleki.

Jenesisi 25:21

Tsono mkazi wa Isaki akhabala lini. Na tenepo, Isakiyo adapemberera mkazi wace kwa Mbuya. Mbuya adabva pembero lace, ndipo Rebeka adatenga pathupi.

Jenesisi 3:12

Mwamuna, adatawira kuti: “Mkazi omwe mudandipasa ninga mkazi wangu iye wandipasa cisapo ca muti ndipo ine ndadya”.

Jenesisi 3:17

Ndipo kwa mamuna adati: “Pakuti iwe wabvera mkazi wako, ndipo wadya cisapo comwe ndidakuuza kuti uleke kudya, Mataka yan'dzatembereredwe thangwe la iwe. Iwepo un'dzadya mwakubonera ntsiku zentse za moyo wako.

Jenesisi 30:22

Ndipo Mulungu adakumbukira Rakeli, adabva mpembo wace, adamufungula nthumbo.

Jenesisi 30:6

Ndipo Rakeli adati: “Mulungu watonga mwakundikomera m'tima. Wabva mpembo wangu, ndipo wandipasa mwana wacimuna”. Na tenepo mwanayo adamucemera Dani.

Ekisodo 21:4

Penu mbuya wace animupasa mkazi, iye acibereka wana wacimuna na wacikazi, mkazi na wana an'dzakhala wa mbuyayo ndipo iye an'dzacoka yekha.